唔係啩！？
藝人陳凱琳、蘇玉華、龔嘉欣及黃浩然等冒寒出席無綫劇《平安谷之詭谷傳說》花車巡遊宣傳，沿路向市民大派賀年吊飾及朱古力，粉絲爭搶，場面相當熱鬧！
《平》劇啟播以來收視及口碑不錯，戲內扮演夫妻的黃浩然及陳凱琳一直表演恩愛，想不到來到結局篇劇情來個大逆轉！黃浩然受訪時直言自己會變壞人：「會打老婆，用鞭打又掌摑佢，打陳凱琳我都覺得心痛。（整親佢？）畀我整親嘅應該係蔡國慶，話說有場戲講佢伏起地畀我鞭，佢為咗就位同埋燈光，堅持拍完場戲先起身，但一拍拍咗4、5小時，佢個仔第二日打畀監製話爸爸入咗醫院，原來整親條腰骨！」浩然更誇口表示相信收視會繼續颷升：「如果覺得之前劇情好睇，呢個星期更加有追看性。」
陳凱琳「被打」卻一點也不介意，且笑謂：「我入行第一套劇《名門暗戰》劇情，都係因為黃浩然畀林芊妤打。（痛唔痛？）標眼水，嗰日好凍，唔知點解次次被打都冇美感，眼淚鼻涕一齊流。」談到本屆中華小姐賽果，她直言三甲是她心水人選：「我同鄧佩儀及蔡思貝口味相若，宣佈結果後我同思貝激掌呀！」
另外，蘇玉華透露剛跟英國戲劇老師上了3星期課，結業後大感不捨，但來年可能會跟對方合作，接演舞台劇。談到《平》劇收視好，會否再開續集，她答：「唔知，睇劇本啦，好劇本難求。」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
