真係夠晒搞笑。
藝人楊思琦、陳鍵鋒、歐錦棠、彭懷安（Eddie）、李雨陽、胡子彤及何華超等到將軍澳為劇集《火速救兵IV》舉行開鏡禮，眾人以劇中造型現身，介紹角色及上香祈求拍攝順利。受訪時，思琦坦言恨拍這劇集很久：「我好鍾意做制服團隊，除咗警察之外，我都諗過做消防，不過體力真係唔得。今次做唔到消防行列都唔可惜，因為會畀佢哋拯救。」說到驚險場面，她指劇中老公Eddie比較多，因對方遇上大型車禍，而她自己就飾演壞人身邊的人：「內心好矛盾，知道佢殺咗小朋友，要同佢潛逃，我都好少要演走佬戲。」她希望有機會挑戰消防員角色，但未知體能上有何要求，笑言仔氧氣樽可能比自己重。
囡囡唔知自己係港姐冠軍
問到女兒會否探班？思琦認為是好提議，又透露女兒最近看她的舊作品：「尋日睇完我啲教育電視，佢陸續發現原來媽媽都參與過唔同演出。最近有件事好好笑，佢恭喜我成為香港小姐冠軍，我冇諗過隔咗17年後個女恭喜我！」思琦指女兒原本不知道自己是港姐冠軍，但最近網上流傳當年公布賽果的片段：「佢話『原來媽媽係Number 1，Congratulations！』好開心！（點解之前唔話佢知？）之前有傳媒講過，不過佢太細，唔知係咩嚟。」至於女兒可會想成為港姐？思琦指女兒有興奮地說過想做，但應該不知是甚麼：「佢問我后冠喺邊度，我話喺保險箱，畀唔到佢睇。」
來源 source: http://hk.on.cc
|
鍾意就快D Share啦！
|
|
|