林作決定為狗狗Aldo洗乾淨迎新年。
前大律師林作狗年為愛犬Aldo洗邋遢，狗似主人形Aldo身上啲毛毛都好長同好亂，林作決定為Aldo洗乾淨迎新年，希望Aldo會令他認識更多女狗主，他說：「放狗可以同啲狗主交流吓，Aldo為自己搵到好多女主人，每次喺街，見到其他狗女同女狗主人都會撲埋去，完全不理質量，只理數量嘅特徵係同我完全相反，我重質量唔計數量。」至於擇偶條件，他直言要靚，歡迎「港女」，更稱自己不介意做「兵」侍候娘娘：「做兵係我特長，但係都要得我夠歡喜。唔介意做兵，因為係入場卷，唔好一開始就展開猛烈進求。（做過幾次兵？）幾乎唔同時刻都做緊幾個軍隊嘅兵，因為依家競爭大，好多時都要排隊，當拎定籌，我時間都多，做兵都幾啱我。」他指現在仍當兵，但不是圈內的娘娘。
唔要圈內女仔
林作透露不夠膽再與圈內女仔相處，不想再搞到人：「好多女仔同我講，只要同我扯上關係，呢個世界對佢從此係黑白，行程會差好遠，好似樂觀嘅人要覺得一個杯有半杯水，但悲觀嘅人覺得半杯水都係冇，呢個同女仔心態一樣，我係樂觀，因為我存在，令其他男仔覺得一定被比下去，所以就放棄，悲觀睇法係，男仔覺得我掂過唔方係好嘢，都係敬而遠之。」他希望狗年不是拍拖及成家立室，而是想事業有突破，更揚言：「搵唔到錢，再係咁我就年底宣布下海，乜都會做。」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
