台灣天團五月天將於5月來港開騷，門票今早10時公開發售，記者今早9時許來到旺角麥花臣場館門外視察排隊情況，現場約有150人排隊，亦有警察維持秩序。場館工作人員約9時半開始派籌，但人龍未見南亞裔人士排隊。門票本來10時開賣，但因為系統故障，全線售票渠道聲稱順延至10時半，但到10時半仍未開賣，現時仍在等開賣。
忠粉撐抽籤實名制
開賣前，派頭位、穿粉紅色衫的男粉絲「企鵝」與一班朋友來排隊，他拿住「五月天 叫我第一名」的紙，他表示排了7日，與十幾個朋友輪流夾時間排隊，表示今日曠工來買飛，每人限買4限飛，他謂會買4張飛。講到排到第一名，而不是南亞裔人士排，他謂：「戰勝黃牛，正義必勝！（其他地方都有黃牛？）黃牛死全家！」問到可支持「抽籤實名制」？他坦言支持，希望政府盡快爭取到，而其不留名的朋友亦謂希望優先訂票不要再畀一間機構獨大，如果再不改善系統，粉絲只會一直買不到飛，他們亦謂買不到飛都不會買黃牛。
殭屍黨出沒霸位
而有3個戴口罩的女仔就拿住「不要黃牛」的紙皮，上面又寫住《倔強》的歌詞。其中身穿黑衫戴口罩的「阿月」與朋友表示27號下午開始排隊，與4個朋友一齊來，亦謂4年都有來排隊買飛。講到她們排第50多位，問到會否擔心買不到飛？她表示現時心慌慌，如果買不到的話，會上網睇吓fans page可有原價飛賣，她亦謂想快些有「抽籤實名制」。而講到現場不見南亞裔排隊，她即謂非常開心，問到可遇過黃牛黨打尖？她謂上年見過，今年就見到「殭屍黨」：「即係啲人用死物嚟霸位。（你哋畀佢哋照排？）係呀，冇法，我哋太善良。」她亦謂她們會每人買4張飛，幫朋友買埋。
----------------------------
東網巨星開咗ig喇，大家快啲follow
https://goo.gl/KGuo2N
|
鍾意就快D Share啦！
|
|
|
