有中年男子在港鐵內站近一名女乘客，被指觸碰到對方。（Facebook群組「西環變幻時」圖片）
繁忙時間港鐵人多擠迫，乘客之間距離非常貼近，有時會引起尷尬。有網民乘搭港鐵到中環站時，發現一名中年男子緊貼一名女乘客身後，單手握着車廂內的扶手，而男子手臂很接近女乘客胸部，引起貼文者批評，「個男人將隻手伸咗喺女仔胸下面，我肯定佢有掂到個女仔」。不過有網民就不認同，「(握着)扶手都畀人網上批鬥真係慘」。
貼文者近日在Facebook群組「西環變幻時」上載圖片，指該名男子握着扶手，並愈站愈近女乘客，左手手臂更貼近對方胸部位置，貼文者於是斥責他，「爆佢問佢點解要掂到人」，對方表示因車廂搖晃才不小心碰到，下站隨即離開車廂。
網民對此反應兩極，有人認同貼文者，「謝謝你示範唔容忍啲XX亂嚟」、「個男人如果係君子嘅，避免誤會唔應該喺呢個位扶」。不過亦有網民認為人多擠逼，無法肯定男子是故意觸碰別人，「我建議所有男人6點後放工唔好坐地鐵，地鐵火車留返畀女人坐」、「繁忙時間男人唔畀搭地鐵，搭咗都唔准揸扶手，咁就天下太平喇」。
網民有話說
Sam Tsui：扶手都畀人網上批鬥真係慘
Rublev Andrei：謝謝你示範唔容忍啲XX亂嚟，太多人淨係識影相上網實際上乜都唔做，完全幫唔到件事。
Cindy Tong：個男人，如果係君子嘅，避免比人誤會亦唔應該喺呢個位扶，總有其他位可以扶吧！
Shing Fai Tsang：我建議所有男人6點後放工唔好坐地鐵，地鐵火車留返畀女人坐
Benny Lau：繁忙時間男人唔畀搭地鐵，搭咗都唔准揸扶手，咁就天下太平喇
※緊貼網民熱話，掌握最熱話題，請關注網民熱話fb：
http://on.fb.me/1L3m1ro
來源 source: http://hk.on.cc
|
鍾意就快D Share啦！
|
|
|
