今年二月，Kary 吳雨霏宣布造人成功。前年經歷過小產傷痛，Kary 今胎特別小心，佗B後一直匿埋未有見人 ，琴日Kary 孖住老公飛台北，巨肚第一次曝光！
15 年嫁比初戀男友洪立熙，講明婚後全力造B，16 年Kary第一次成功懷孕，可惜不幸流產。 今年二月Kary 同老公再度報喜，當時已經佗B五個月，Kary 仲話BB係上天最美好嘅嘗賜。 經歷過小產傷痛，Kary 今胎佗得特別小心，全面停工之餘，大部分時間都留喺屋企安胎，而且一直唔肯透露BB性別。
不過大肚婆都要抖抖氣嘅，琴日一早，《壹仔》就見到kary 同老公齊齊去機場，凖備出發去台北。 一朝早大肚婆著住件貼身小背心，雖然有件薄薄嘅外套遮一遮，不過依然見到個籮咁大嘅肚。佗住七個月B，Kary 不知行得幾咁輕盈，而且仲keep 得好弗，手手腳腳都仲係咁瘦，一啲都冇水腫。 大肚婆有優侍，唔洗排隊入閘，可以行禮賓通道。兩公婆一人拉住個hand carry 入閘，過安檢嗰陣，Brain 出手幫老婆搬行李，照顧週到架！
來源 source: http://nextplus.nextmedia.com
|
鍾意就快D Share啦！
|
|
|
