【大陸天神杯】囡囡奪兩枚金牌 莫少聰：此刻心情有少少激動 __,大陸,莫少聰,中國,

現年57歲嘅莫少聰前年坦認與大陸妻孫雲玲離婚，二人因年齡差距、文化差異同性格不合，令夫婦關係疏離，孫雲玲提出離婚，放棄女兒撫養權，囡囡莫芷嫣由莫少聰照 ...

現年57歲嘅莫少聰前年坦認與大陸妻孫雲玲離婚，二人因年齡差距、文化差異同性格不合，令夫婦關係疏離，孫雲玲提出離婚，放棄女兒撫養權，囡囡莫芷嫣由莫少聰照顧(新聞連結：https://bit.ly/2G7vvSM)，莫少聰之後有種茶同做慈善，閒時都有陪住囡囡，原來囡囡好鍾意溜冰。

莫少聰今早貼出囡囡參加喺北京舉行嘅2018「天神杯」花式溜冰比賽，佢貼出多張與愛女嘅合照，留言：「努力是有回報的，芷嫣這兩天的滑冰比賽，終於拿下兩枚金牌，此刻的心情我也有少少激動。」相中見囡囡遺傳咗爸爸一雙大眼同雙眼皮。

呢個比賽有來自大陸各地超過700名選手參加各個組別比賽，囡囡可以脫穎而出，作為爸爸嘅莫少聰當然好開心。莫少聰2011年喺北京吸食大麻被捕，兩周後獲釋，曾因涉毒被大列入黑名單，事業遇上低潮，同年佢與內地歌手孫雲玲喺香港結婚生咗囡囡，點知婚姻只維持咗5年，幸好莫少聰現時已獲「解封」，可以接拍戲劇，獨力照顧囡囡。

精選娛聞，喺晒《娛果》

http://fb.com/appledailyent

	莫少聰與囡囡莫芷嫣。微博圖片	芷嫣奪得兩枚金牌。微博圖片
莫少聰連日都陪住囡囡。微博圖片	囡囡遺傳咗爸爸一雙大眼同雙眼皮。微博圖片

來源 source: http://hk.entertainment.appledaily.com

鍾意就快D Share啦！

下一篇 》