阿嬌踩未婚夫「恐怖」好似鬼新娘！
藝人鍾欣潼（阿嬌）前晚出席活動，爆未婚夫賴弘國（Michael）正籌劃婚禮布置，但她似乎不太滿意，更搞笑指對方的設計令她聯想到「鬼新娘」，認真大吉利是！
阿嬌早前宣布已答允台灣醫生男友Michael求婚，雖然還未定婚期、婚禮場地等細節，但大家都非常關心其婚禮籌備情況，而阿嬌亦不時提到對婚禮的要求，日前就講明不會戴金豬頸鏈。
前晚阿嬌與蔡卓妍（阿Sa）以Twins身份出席「微博之夜2017頒獎禮晚宴」並奪得「微博給力組合」獎項，席間阿嬌被問到籌備婚禮的進展？她表示接下來要忙着到上海拍戲及準備美加巡迴演出，又要待堪輿學家擇日子，故甚麼細節也未定。
雖然阿嬌忙到冇時間搞婚事，但未婚夫Michael就緊張籌備，更對婚禮場地布置有一些建議，可惜阿嬌的評語相當麻麻：「Michael曾經Send咗啲相畀我，話想咁樣布置，係一個亭，有啲紅色嘅花，都幾恐怖，好似鬼新娘！」阿嬌性格一向爽直，把婚禮場地布置聯想成鬼地方也直說出來，果然百無禁忌！
「生完仔咪繼續做」
阿嬌又指一定會在香港擺酒，台灣方面可能與當地親友及朋友吃飯慶祝。問到婚後Twins合體工作的機會會否減少？阿嬌說：「呢啲唔係我哋問題喎！結咗婚都仲係Twins！」阿Sa則表示人生有不同階段，阿嬌更說：「冇理由公司阻我生仔嘅，咁嘅年紀啦，生完仔咪繼續做囉！」問到阿嬌婚期將至，何時到好姊妹阿Sa結婚生B？阿Sa笑稱：「你話生就生咩！我哋叫Twins，話生就生Twins咩！」阿嬌又再大玩金句：「你估生Twins就生Twins咩！」至於二人可有關心容祖兒分手？阿Sa說：「大個女o架啦，佢會識諗！」阿嬌則透露見過祖兒，指她OK！
黃智雯真空搶鏡
前晚活動上還有不少藝人盛裝領獎，黃智雯、李施嬅、胡蓓蔚等主持的綜藝節目《胡說八道真情假期》獲得節目獎，真空穿上粉紅色西裝褸的智雯，輕易成為焦點！而王浩信則於拍照期間，左眼下方出現一撻白色，他受訪時解釋：「我用緊嘅化妝品一遇到閃光燈，佢個效果就會有啲誤差，我同化妝師都會檢討囉！」
此外，羅家英早前出席活動時透露做了白內障手術，更指老婆汪明荃亦會做，惟汪明荃表示仍未檢查：「佢講笑啫！佢做完之後睇嘢好清楚，仲同我講『你呢度要執一執喎』，咁我就話不如我做埋囉！」
文：影視組
|
鍾意就快D Share啦！
|
|
|
