好朋友先可以咁！
歌手鄭欣宜到電台為4月的紅館騷宣傳，透露已經開始練舞，而由於左腳受傷，《你瘦夠了嗎》的招牌動作右腳朝天就要改為左腳：「要重新練過，但又唔可以掂到傷口，有少少唔知點。」她指跳舞時傷口會痛，因此有點壓力：「希望上到台就冇痛，不過到時會Natural High。（要食止痛藥？）我冇諗，好似問定好啲。」
提到要根據營養師的餐單吃雞肉、豬肉和菜，欣宜透露本來想減些磅，令自己穿高跟鞋時腳部負荷較少，可惜醫生已確定她今次不可穿高跟鞋開騷，她又自嘲減與不減的分別不大：「冇得靠食嘢紓緩演唱會嘅壓力，同埋我好容易心散，要閉關喺屋企。（許廷鏗搵你都唔理？）我有同佢Facetime，當知道冇得着高踭鞋，我本身冇乜嘢，但一同佢Facetime就爆喊，我都唔識解釋。（佢都慣咗？）係，唔會嚇親。」至於金像獎戰衣，欣宜表示正在兩個款之中選擇，自己要造衫而沒有贊助，笑言價錢抵比漂亮更重要。
來源 source: http://hk.on.cc
|
鍾意就快D Share啦！
|
|
|
