泳兒話男友嘥晒張飛。
歌手泳兒以「甜心大使」身份到樂富出席由九龍樂善堂主辦的《樂善「糖」甜心行動2018》，除了獻唱《給我一個家》，更即席義賣慈善糖果，吸引不少人圍觀。
受訪時，她表示已參與活動幾次，很開心有機會參與不同慈善活動，因為媽媽昏迷入院時，其家庭都是政府醫療的受惠家庭：「我明白大家狀況，尤其我係公眾人物，希望可以幫到有需要嘅人。」說到近況，她笑言忙於調整時差，因為過年時去了美國工作和玩，回來後好像睡極都不夠：「去咗睇NBA，但好匆忙，睇完NBA即刻就要搭飛機，氣氛由好高漲跌咗落嚟，見到大家喺歸家途中好落寞嘅身影。」問到男友可有一起去？她指看NBA是男友提議，但他竟然在場內睡着了：「應該係時差未調到！我睇得仲興奮過佢，我第一次睇，唔係好知邊隊打邊隊，去之前都唔肯做功課，但我一玩就好投入。佢就瞓咗半場，幾千蚊張飛真係嘥晒！」
新歌方面，她透露正在準備中，新年前已錄了一些，不過未拍MV，稍後會進行宣傳：「不過上年知道自己身體唔係咁好，今年會比較錫身少少，放鬆嘅時候認真放鬆，做嘢嘅時候就認真做嘢。」她自言上年有點硬頸，即使身體有問題，為了家人仍想做得愈多愈好，結果負荷不來就要停工。
提到同公司的容祖兒與劉浩龍分手，泳兒表示不知情：「係咩？係咪㗎？（關心吓佢？）了解吓先，我唔會特登問，因為拍拖比較私人，希望大家畀多啲空間佢哋先。無論拍拖定唔拍拖都好，大家都好似好關注，尤其因為祖兒係大家都好喜愛嘅歌手，大家關心佢嘅歌曲，亦都好關心佢私下嘅生活。」泳兒認為藝人也需要私人空間，希望祖兒身體健康和開心。
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|