台灣藝人金剛，07年轉戰香港，主持《超級無敵獎門人》後，成為曾志偉嘅愛將之一，然而近年發展平平，15年更於台灣捲入槍擊案，之後就鮮有喺螢光幕見到金剛。
今日台灣《蘋果》指本月初，喺台北東區捕獲其蹤影，當時金剛於台灣節目《食尚玩家》主持人莎莎開設嘅咖啡店內，見佢着住寬身上衫，睇落明顯有啲發福，真係變咗「變形金剛」。雖然金剛同莎莎坐喺同一張枱，但佢哋就各自各玩手機，雖然當日係假期，但店內就只有一枱客人，幸好有金剛嚟充撐吓場面。
其實金剛自從去年同無線約滿之後，就轉簽王祖藍成為旗下藝人，轉戰大陸，可惜就一直未有新作品，15年佢更於台北忠孝東路嘅「繽紛年代」酒店消遣時，一行人離開時與其他酒客發生口角，雙方大打出手，其中一方不干示弱，拿出2把手槍在店內轟了5槍示威，警方獲報趕抵現場，將開槍男子制伏，在男子身上查獲2把制式手槍及16發子彈，金剛等12人被帶回調查。
然而最近金剛曾於fb發表開工嘅相片，似乎佢應準備重返幕前。而金剛嘅台灣經理人阿King回覆台灣《蘋果》時就話，其實金剛近兩年仍有喺香港主持節目，同喺大陸拍戲，佢話：「他現在還是TVB《街坊廚神》的主持人，最近剛拍完電影《濟公2》，中國跟香港都有工作，不過他會搬回台灣。因為香港房子租約到期，加上工作不一定在香港，所以乾脆搬回來，現在就是兩岸三地到處工作，日前也曾回台上綜藝節目。」
精選娛聞，喺晒《娛果》
http://fb.com/appledailyent
來源 source: http://hk.entertainment.appledaily.com
|
鍾意就快D Share啦！
|
|
|
