《Twins Lol live around the world 世界巡迴演唱會》於美加西岸時間5月17日及19日於溫哥華和洛杉磯完美完成。巡演超過三年，轉眼間這次是她們的第21和22 塲演唱會。碰巧演出期間，兩人又一齊共度了twins成軍17年，不少歌迷特地由香港飛往美加看演唱會與他們一同慶祝，令他們又開心又感觸。
第一次到美加巡唱，sa敵不過jet lag，覺得十分之累，馬不停蹄唱完又下一站，她無奈苦笑，「最後一站多倫多，又同溫哥華差三個鐘，我決定唔再調時差眼瞓就瞓，唔想瞓就醒，餓就食真係冇辦法，調到一陣返到香港又要調番，好痛苦。阿嬌就好啦，佢一向係美國時間活著，哈哈，所以時差影響唔到佢啦。不過就差d食錯安眠藥，哈哈哈。」阿嬌就話，「時差真係對我冇咩影響，我剛剛係想食敏感藥，不過差 d拿錯安眠藥。食咗就唔使唱啦，哈哈。」
兩場演出，歌迷似乎對阿嬌快要出嫁依依不捨，有歌迷不停送上祝福，有歌迷又大叫twins 不如移民到溫哥華、洛杉機住，更說他們答應來住的話，送車送樓給他們，令孖妹笑個不停。而歌迷對阿嬌出嫁祝福，阿嬌在台上就有少少怕羞，沒有大回應。
沒有時差生活的阿嬌，到美加後非常enjoy，坦言曾想過退休後移民，「真係有諗過，已經問過很多意見，樓呀，生活係點呀咁。。。」阿sa就叫阿嬌揀溫哥華，因為她自己有很多親朋及同學在溫哥華，如阿嬌移民就方便她日後可以探望，不過阿嬌就話未諗定主意。據傳明日唱完第23場多倫多之後，LOL 這個騷就完滿終結，阿嬌會飛去LA 籌備婚禮，阿sa也會一同飛去參加party。但歌迷對這個騷還是依依不捨，不停要求他們返回香港或澳門再演出最後終極一場，是否成事仍是未知數。
來源 source: http://nextplus.nextmedia.com
|
鍾意就快D Share啦！
|
|
|
