掃呢頁CODE去手機

2018年5月20日 星期日

【婚照曝光】羅鈞滿舊愛 33歲張文采10月嫁消防員 __,張文采,羅鈞滿,

「新聞之花」張文采自15年與大台前藝人羅鈞滿分手之後,戀情生活就未有再公開,今日佢班新聞部新舊同事包括姚雋彥、李朗怡、陳正犖聚會,原來佢哋幫張文采補祝 ...


「新聞之花」張文采自15年與大台前藝人羅鈞滿分手之後,戀情生活就未有再公開,今日佢班新聞部新舊同事包括姚雋彥、李朗怡、陳正犖聚會,原來佢哋幫張文采補祝返33歲生日,仲hashtag大家係#tvbuddies #將軍澳街坊福利會,更賀佢雙喜臨門。

姚雋彥同李朗怡都貼咗合照相上Ig,都稱呼張文采係「準人妻」,其中姚雋彥就留言:「同準人妻慶祝最後嘅單身生日派對之餘,仲收到多一個好消息,呢個周末真係雙喜臨門!」

此post一出,等同踢爆張文采告別單身將為人妻,猜測佢婚期將至!

張文采晚上回應傳媒,問到未婚夫是否圈外人?幾時擺酒?有冇打算婚後退出幕前及生小朋友?她以短訊回覆:「我冇嘢回應,多謝關心。」但據知張文采將於今年10月結婚,準老公任消防員,一對新人早前去日本輕井澤追櫻影櫻花婚紗相,浪漫滿瀉。

張文采舊愛羅鈞滿則回覆《蘋果》,恭喜舊愛:「多謝提醒,祝願文采新婚快樂!會有一個幸福美滿,甜甜蜜蜜既家庭啊!」

其實,張文采與前大台藝人羅鈞滿拍拖四年,直至15年7月,導火線是男方疑不忠,令張文采決心分手,並於facebook宣告「分」訊,更以「重生」形容分手後心情。



精選娛聞,喺晒《娛果》

http://fb.com/appledailyent

Picasso Wedding 圖片 網上圖片

網上圖片

張文采:又祝我生日快樂!哈哈!

成班大台新聞部新舊同事同張文采補祝33歲生日,更踢爆對方最後單身做準人妻。(IG截圖)

(IG截圖)

(IG截圖)

李朗怡喺IG留言:準人妻生日快樂。(IG截圖)

鍾意就快D Share啦!