亞洲電視數碼廣播喺舊年12月宣佈「借App還魂」，喺今年1月29正式以手機Apps同OTT平台「無限復活」開台，點知開台只係得95日，今日突傳大地震，行政總裁吳雨同營運總監區偉林將會轉做顧問，製作總監林嘉穎原來去年已以私人理由離職。
主持《百萬富翁》嘅陳志雲，今日接受《蘋果》訪問，講到亞視大地震，他稱：「我唔會用『大地震』去形容亞視呢個變動，因為用『大地震』好似好負面，我會話吳雨同區偉林係功成身退就真。佢哋兩個就任唔係好耐，喺短短嘅日子促成亞視開台，已經唔簡單，大家係有目共睹，o依家佢哋只係轉變咗唔同嘅工作崗位。」
陳志雲仲話稱：「OTT係一個好新嘅營運模式，所以亞視想檢討用新嘅辦法去做，唔會係一件好驚訝嘅事，或者係好驚奇嘅事，甚至係負面嘅事，最緊要係有啲新嘅變動同改動，令呢個行業更加係蓬勃發展，最緊要係有人繼續投資，為香港嘅觀眾提供更多選擇。」
至於主持《百萬富翁》，陳志雲表示：「係冇任何影響，原先第一份合約係簽65集，亞視就加多25集，一共係90集。我哋嘅錄影工作差唔多完成，最後一集應該係播到6月份就差唔多播晒，我係完成晒兩份合約。」
「呢個係俾我好好嘅經驗，《百萬富翁》喺俾觀眾參與，亦都係一個新元素，我好高興今次有機會喺呢個新平台有機會參與工作，希望佢哋可以繼續努力，發揮到更大嘅功能，俾觀眾選擇更多優質嘅節目。」
另一方面，亞視一姐朱慧珊亦話：「暫時在節目方面有甚麼變動還未知道，但無論有任何變動對我都無影響。大哥（吳雨）為亞視開台已經是很大功勞，希望亞視越變越好，對亞視來說《變幻原是永恆》」另陳彥行亦稱：「我都唔知道，我哋會繼續做節目，大老闆講過，放心，一定有糧出的！」
相關報道：
【ATV又地震】傳行政總裁吳雨轉做顧問 亞視員工爆料講「死因」
https://bit.ly/2FDFBto
【亞視大地震】CEO吳雨變顧問 藝員唔知咩事 樂瞳：按本子辦事
https://bit.ly/2rhAVoF
精選娛聞，喺晒《娛果》
http://fb.com/appledailyent
|
鍾意就快D Share啦！
|
|
|
