掃呢頁CODE去手機

2018年5月3日 星期四

【秘密拍拖斷正】劉佩玥挨住周志文浪漫睇日落放狗 __,劉佩玥,周志文,

嘩,睇住日落放狗,呢對情侶認真浪漫又sweet!究竟係邊pair?1,2,3!開估!哦,原來係劉娘娘劉佩玥,同佢個兵仔周志文!唔係,係男朋友先啱!劉佩 ...




嘩,睇住日落放狗,呢對情侶認真浪漫又sweet!究竟係邊pair?1,2,3!開估!哦,原來係劉娘娘劉佩玥,同佢個兵仔周志文!唔係,係男朋友先啱!劉佩玥同周志文成日俾人影到孖住食飯行街,死口都唔認拍拖,算吧

呢日見佢兩個同鄭俊泓、何雁詩及其他朋友齊齊放狗,劉佩玥同周志文幾乎全程孖住,好少埋班老友堆。成班人喺草地好free,睇佢哋擺喺度嘅紅、白酒,就知好relax!鄭俊泓仲買埋薯條漢堡包俾大家!拎咗包薯條密密食嘅周志文,又點會唔照顧女朋友呀?睇吓,佢兩個幾sweet!食飽,一支水兩份飲,飲完,周志文對住女友多角度舔乾淨幾隻手指,好似唔多衛生喎!最後,兩個人索性帶埋隻狗,行去睇日落,談吓心,一家三口咁,畫面又真係幾幸福、幾浪漫嘅!



鍾意就快D Share啦!