網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年5月19日 星期六

【驚都要入產房】宋熙年陀B五個月幸福肥 陳智燊公佈BB性別… __,宋熙年,陳智燊,

陳智燊(Jason)同懷孕5個幾月嘅太太宋熙年今日喺九龍塘出席新車發佈會,Jason就嚟升呢為人父,心情既期望又興奮,表示呢幾個月係佢人生中揸車最多嘅 ...


陳智燊(Jason)同懷孕5個幾月嘅太太宋熙年今日喺九龍塘出席新車發佈會,Jason就嚟升呢為人父,心情既期望又興奮,表示呢幾個月係佢人生中揸車最多嘅時間,因為要接送太太,而大會就向呢對準父母送上一架BB車,合照嗰陣,Jason輕搭太太嘅肚。

着上吊帶裙嘅宋熙年明顯見肚,問重咗幾多磅?宋熙年話:「醫生話唔算重好多,但係比以前肥咗,係幸福肥。」Jason即刻話:「幸福肥,有小朋友好正常,最重要係健康同開心,之前真係好緊張,但係過咗3個月,所有嘢都穩定。」

至於BB嘅性別,Jason甜笑咁話:「我爸爸呢邊想我哋生女,因為我係4兄弟,而佢嗰邊就全女班,而佢陀嘅係仔,爺爺嫲嫲好想我哋之後生孫女,下一個會偏向生女。」宋熙年透露生B之前會去澳洲探父母。

雖然宋熙年陀B胃口冇乜改變,不過Jason話當初經常提住太太唔好飲凍嘢,俾人覺得佢霸道,Jason笑指:「因為我緊張佢、關心佢。」熙年都認為佢緊張:「佢話有啲大肚婆會抽筋,所以佢唔俾我揸車,O依家佢就做我司機,叫佢陳記。」

問Jason到時會唔會入產房陪太太?佢猶豫咗一陣,問佢係咪怕血?然後Jason先話:「係因為我未諗,就算驚,都要入去撐老婆。」

精選娛聞,喺晒《娛果》

http://fb.com/appledailyent



陳智燊公佈宋熙年陀男B。(攝影:陳俊強)

BB車內有好多男仔玩具。

陳智燊揚言要追一個女。

so sweet! (陳智燊ig)

(宋熙年ig)

鍾意就快D Share啦!