古巨基一連五場演唱會前晚在紅館開鑼，演唱會以夢想、初戀、青葱、另一半及事業為題，分享基仔的成長經過。昨晚基仔舉行第二場時發生意外，唱罷第一首歌叉錯腳跌落台底，幸好基仔在台上「消失」約十分鐘即安全返回台上，令大家鬆一口氣。
消失10分鐘
基仔昨晚跟首場一樣坐空中「時光機」出場，唱完第一首歌《爆了》後降落返回台上，準備跟觀眾打招呼說：「有七年冇返紅館，比啲聲我聽……」未料還未說完，他突然叉錯腳跌落台中間本來讓「時光機」降回台底的大窿，全場觀眾及工作人員都嚇一跳。約10分鐘後，基仔才返回台上，見他不停用手摸頸後位置，疑似跌落台時撞傷，惟他一直有在台上踱步，相信沒有大擬，觀眾隨即報以掌聲，基仔說：「冇事嘅，上天保佑我！我好想繼續落去，我會盡力繼續落去！」接着繼續演唱《必殺技》，其後唱《歡樂今宵》時，還懂得說笑：「把聲仲靚咗！」
| | |
《蘋果》即時聯絡英皇高層霍汶希，她說：「基仔喺升降台跌咗落去，但好彩係跌親，可能條頸有跌倒，我哋全部人過緊紅館睇佢，可能佢唱完要去醫院照一照，佢仲唱緊歌，傷勢唔係好重，我同大家講番。」身為基仔好友的陳志雲前晚看完頭場，昨晚雖沒有再到場欣賞，但已第一時間知道基仔發生意外，他說：「我有朋友去睇，佢話畀我聽嗰陣嚇死我，嚇到我個心離一離，好在冇幾耐佢冇事上番台表演。」
讚老婆搞笑
至於前晚頭場演出，基仔自爆初戀故事，又大讚老婆陳英雪（Lorraine）無論化妝或落妝都靚，又笑說現在似娶了周星馳返家，指對方經常帶給他歡樂：「我哋開餅舖，一入門口，佢話『快啲攞個雪櫃去芝士蛋糕』，佢好鍾意叫我重組句子，所以睇佢幾論盡。」
採訪：馬建華
攝影：陳俊強
|
鍾意就快D Share啦！
|
|
|
