掃呢頁CODE去手機

2018年5月10日 星期四

【跟得媽咪】囝囝係香港泳隊代表 靚媽曾華倩自豪﹕佢仲高過游生 __,華倩,曾華倩,

曾華倩噚晚與朱慧敏同樂瞳一齊主持亞視《今晚見》,曾華倩嘅19歲囝囝林浩賢(Martin)係香港泳隊成員,早前代表香港隊出賽到馬來西亞比賽,華倩做跟得媽 ...


曾華倩噚晚與朱慧敏同樂瞳一齊主持亞視《今晚見》,曾華倩嘅19歲囝囝林浩賢(Martin)係香港泳隊成員,早前代表香港隊出賽到馬來西亞比賽,華倩做跟得媽咪陪囝囝去比,喺機場遇見吳家樂同袁文傑,華倩話﹕「見到袁文傑忍唔住嗌游生,嗰下先發現自己個仔(Martin)仲高過游生,190cm。(囝囝有冇拍拖?)順其自然啦。(有冇畀你過目?)冇所謂。」

而最驚喜係遇見鄭浩南,華倩話﹕「喺候機室見到班細路仔話有個人好似以前拍古惑仔,有啲面善似鄭浩南,我行埋去細細聲叫『Mark』,佢有反應先知係佢。我第一句就問佢『點解我哋差唔多高,你以前好高大,你縮咗,定我高咗?』。」華倩話鄭浩南好熱情邀請佢坐旁邊,但佢就驚自己瞓覺流口水嘅樣畀人見人,所以婉拒,華倩話﹕「原來佢娶咗一位馬來西亞太太,唔使工作就返馬來西亞。」

對於亞視高層有變動,華倩話唔擔心出糧問題,佢話﹕「出糧超準時!其實我有啲奇怪點解吳雨(大哥)同區生(區偉林)開記者會,大哥一路都話係做顧問。(擔唔擔心前景?)畀多啲時間,亞視好似初生BB,台前幕後都好親切,似一家人。」



精選娛聞,喺晒《娛果》

http://fb.com/appledailyent

曾華倩話估唔到囝囝仲高過「游生」袁文傑。(ig圖片) (攝影﹕林賓尼)

曾華倩與朱慧敏及樂瞳一齊主持《今晚見。

(ig圖片)

早前去馬來西亞仲遇到鄭浩南。(ig圖片)

(ig圖片)

(ig圖片)

鍾意就快D Share啦!