掃呢頁CODE去手機

2018年5月10日 星期四

前港姐任葆琳打擊違泊 但自己違泊斷正?! __,任葆琳,港姐,

有「哈佛小甜甜」之稱嘅前港姐任葆琳(Pauline),自從棄影從商之後走咗去從政,16年當選成為香港仔區區議員。喺Pauline嘅個人fb專頁,都經常 ...


有「哈佛小甜甜」之稱嘅前港姐任葆琳(Pauline),自從棄影從商之後走咗去從政,16年當選成為香港仔區區議員。喺Pauline嘅個人fb專頁,都經常見到佢貼落區嘅相,喺呢兩年任內,主打區內汽車違泊問題。

日前喺南區之友嘅fb page,有司機指控Pauline嘅司機違泊成個鐘,話佢其身不正,不過個post一出就被網民質疑拍片嘅人「何嘗唔係等咗一個鐘,唔係點知人泊咗幾耐」喎。最後片主刪post了事。

身為當事人嘅Pauline,事後喺fb公開道歉,之後佢接受《蘋果》電話訪問,講番件事嘅來龍去脈:「事實上地點喺我office樓下,我返咗公司,9個字之後去開區議會。我住得好近,叫司機返屋企先。同佢講咗好多次千祈唔好違泊,仲要係自己區,你睇我似唔似咁蠢吖。可能有一個誤會,樓下(香港仔舊大街)係冇劃雙黃、單黃都冇。司機諗住個人喺車,以為咁唔係違法。」

片主指摘Pauline「打違泊、自己違泊,其身不正」,Pauline自言事件上自己責無旁貸,而且作為區議員應該係「嚴己寬人」:「如果我知道當然唔會畀件事發生,但唔關位司機事,責任在我,因為我係僱主,冇令佢充份明白點做。」

Pauline又話:「點解要咁辛苦?個個喺度鬧,冇人做,咁點呀?個個見到話個政府點樣,唔鍾意咪自己攞嚟做囉。你覺得人哋做得唔好,最好方法係自己攞嚟做。依家要『帶埋媽咪返工』。好似今(昨)日同食環去掃店舖阻街,有位賣菜檔阿姐惡到呢,連我阿媽都鬧埋,跟住鬧地政、鬧警察。」

至於港姐同藝人身份,最大幫助會令到市民較易接受自己,但最終都真係要做到嘢,Pauline笑言近期係關心滅蚊、捉老鼠呢類民生問題。至於下一步係咪進軍立法會,佢話:「唔知喎,再諗啦,因為我係素人,讀電腦、冇政黨,而且係天生極之反叛唔聽話嘅人。仲有大把嘢要學,總之憑良心去做。」




鍾意就快D Share啦!