鍾欣潼（阿嬌）於香港時間昨晨與拍拖未夠一年的賴弘國（Michael）在美國洛杉磯一間酒店舉行婚禮，「龍虎豹蛇」蔡卓妍（阿Sa）和容祖兒等齊到當地做姊妹。在婚宴上，新郎致辭時忍不住爆喊，阿嬌亦哽咽謂：「我哋呢段感情真係唔容易。」之後新郎獻唱《愛很簡單》，令阿嬌冧爆。
現年37歲的阿嬌去年10月承認戀上曾結婚、被封「醫界王陽明」的32歲台灣醫生賴弘國，二人拍拖未夠一年即互訂終生，於香港時間昨日凌晨5時半（美國時間25日中午12時半）在美國洛杉磯四星級酒店Millennium Biltmore Hotel舉行婚禮。由於今次是pre-wedding party，所以沒有上頭、接新娘和簽字註冊，一切儀式留待今年底才舉行。
| | |
契爺劉鎮偉帶進場
昨日婚禮宴請約60名親友出席，除新郎父母、阿嬌母親、經理人霍汶希（Mani）、契爺劉鎮偉夫婦等外，更有「龍虎豹蛇」的容祖兒、阿Sa及鄭希怡（Yumiko）擔任姊妹團，整個婚禮花費逾百萬元。穿上英國品牌Jenny Packham的deep V婚紗的阿嬌，挽住契爺劉鎮偉進場，劉鎮偉將契女交到新郎手中，還發揮搞笑本色謂：「阿嬌叫我做老竇，其實我同佢阿媽係冇關係嘅！」引得全場哄堂大笑。
之後新郎在台上致辭說：「我們是來自不同家庭、文化、背景的人，她工作已經很忙，又很花時間的去跟我維繫這段感情。」說到此處，賴弘國竟忍不住邊喊邊說：「走到今天這一步，我真的很謝謝她。遇到了對的人。」說罷他伏在阿嬌膊頭爆喊：「我覺得跟她在一起很開心。」輪到阿嬌一開口亦哽咽：「我哋呢段感情真係唔容易，因為咁遠嘅距離，但係大家花咁多嘅時間盡量去見面、去維繫，可能我唔係咁成熟，Michael更加要時間去照顧我，我哋會好努力咁互相扶持、互相鼓勵。」
阿Sa含淚警告新郎
新人在雙方父母見證下行禮，阿Sa在台上喊住跟阿嬌說：「自從阿嬌同我講求咗婚啦，嗰一下係完全激動到……真係由17年前開始我哋兩個……中間咁多年，大家一齊有過好多唔同嘅ups and downs，但無論點樣都係一齊去度過。去到今日，見到佢終於搵到一個好錫佢嘅人，好戥佢高興。」最後阿Sa更警告新郎要好好保護阿嬌說：「你要對她好好的，不然我們不會放過你。」婚禮期間賴弘國唱出陶喆《愛很簡單》給阿嬌驚喜，冧得阿嬌眼泛淚光，阿Sa、祖兒和Mani更在婚禮中均變成喊包。至婚禮後索爆阿嬌於Ig上載跟老公甜蜜短片，留言說：「我們會狠狠的幸福下去！」
另外，曾與阿嬌傳緋聞的方力申昨出席灣仔活動時，指看到阿嬌結婚片段覺得感動：「我有留言祝佢哋白頭到老，老老實實，早生貴子。」
採訪：皓騫、陳杰、王連連
|
鍾意就快D Share啦！
|
|
|