掃呢頁CODE去手機

2018年5月4日 星期五

【十月拍《尋秦記》】古天樂對宣萱講衰嘢:今日奉旨望你個胸 __,尋秦記,古天樂,宣萱,

古天樂、宣萱、陳爽、林夏薇同李佳芯今晚就喺中環ifc,出席一個首飾品牌活動,宣萱就戴咗條800萬珍珠頸鍊,古仔就搞笑讚對方好瘦好索,更作狀流口水:「今 ...


古天樂、宣萱、陳爽、林夏薇同李佳芯今晚就喺中環ifc,出席一個首飾品牌活動,宣萱就戴咗條800萬珍珠頸鍊,古仔就搞笑讚對方好瘦好索,更作狀流口水:「今日奉旨望你個胸,好大揪嘢。」講就咁講,但其實古仔都冇望,佢自己都話:「好靚呀!」但對眼係唔望宣萱嘅,女方投訴:「佢望都唔望!」古仔繼續「眼定定」,眼望前方讀唇咁講:「嘩好靚呀喂!」宣萱再話:「OK吖呵?」古仔終於話:「我講啫,我邊夠膽望你嗰揪嘢吖大佬!」宣萱進逼:「望吖!OK 0架!」古仔堅持:「唔望」

宣萱喺隔籬就話古仔成日都會讚佢,不過都係用好假語氣:「對佢呢講好少嘢,當跌咗,其實都有重量,感覺好特別呢套珠鏈,自己都鍾意首飾,不過冇收藏,叫佢送啲小首飾畀我,碎石都好,好似佢呢個心口針,物輕情義重。」

二人透露5月會合作開新戲《犯罪現場》,宣萱表示:「一齊場口喺7月,等佢放埋假先至拍,怕佢食得多,曬得多唔連戲,套戲會喺香港。」

記者笑言宣萱同幾料影帝古仔合作有壓力,宣萱就笑言:「我唔理佢,我哋識咗咁多年,叫佢教我做戲,但就唔會有壓力,佢電影上經驗多過我,我電影少啲,電視多啲。」古仔就叫佢搵導演教,宣萱就補充:「今次一齊戲斯文多,自己怕受傷,因為我喺大陸有啲危險動作,自己都會拎馬、兔同老虎飾物,因為今年用呢三個生肖化太歲,個心安啲。」而旁邊古仔就話唔信呢樣嘢,不過就有睇風水。

古仔又講到新戲會多動作場面:「會多槍戰同拳腳交,都會小心啲,年底10、11月就會拍《尋秦記》電影。」最後問到有周刊指佢有新歡,佢就話唔係事實唔回應,宣萱講笑:「唔係新歡,係舊愛。」

攝影:沈健程 真係好好好好大揪嘢



古仔終於話:「我講啫,我邊夠膽望你嗰揪嘢吖大佬!」宣萱進逼:「望吖!OK 0架!」古仔堅持:「唔望」

宣萱嘅強人本色又不知不覺流露出來…





林夏薇




鍾意就快D Share啦!