（法新社圖片）
巡遊完整片段：https://bit.ly/2IPn8Az
皇馬完成歐聯三連霸，返到馬德里進行勝利巡遊萬人空巷！銀河艦隊第13次奪得大耳朵盃，當地球迷梗係勁興奮，天王巨星C朗、沙治奧拉莫斯、賓施馬同教頭施丹，帶領球員於開蓬巴士上傲遊馬德里市，接受球迷掌聲同歡呼。隊長拉莫斯同馬些路，於大地女神廣場高舉獎盃，跟手球隊返到巴拿貝球場繼續慶祝，場面勁墟冚。
於歐聯決賽3:1擊敗利物浦，皇馬連續三屆取得冠軍，近五屆歐聯勇奪四屆錦標，絕對係前無古人，一班巨星有啲着上波衫，而C朗、拉莫斯等就着上型仔西裝，其中C朗仲剪咗個燙貼黑短髮勁有型。
決賽新聞人物拉莫斯，於巡遊前接受訪問，講笑話皇馬「贏歐聯已成習慣」：「每當球隊處於艱難時間，當其他人開始質疑嘅時候，我哋就會用行動嚟話畀人聽，皇馬係一支幾偉大嘅球隊，我哋對勝利永遠都係咁渴求。呢個特質加埋有好教練施丹，就係皇馬成功要訣。」
而於決賽後暗示離隊嘅C朗，話仲未可以肯定下季前途：「球員個人嘅事，呢一刻唔應該成為焦點，因為呢刻主角係整隊皇馬。有時一個人太誠實（決賽後暗示離開），講嘅說話未必係大家所諗嘅意思，我會喺一個星期內決定前途。」於巡遊中，C朗曾經拎住咪同上萬球迷講「下年再見」，相信留隊成數唔低。
即上英超刨績王：http://win.on.cc/epl
東網體育同你追實體壇每個精彩時刻！
https://goo.gl/ewVpvE
來源 source: http://hk.on.cc
|
鍾意就快D Share啦！
|
|
|
