（互聯網圖片）
前車路士巴西球星奧斯卡，去到中超成為頂級巨星，周三晚於中國足協盃恐怖受傷，被對手撞到個頭成份撻落地，頭部遭受二次撞擊後，手腳不自控咁抽搐，雙眼冇晒焦點成身硬晒，堅係恐怖！好彩經軍醫入場治理包紮後，奧斯卡能自行步行出球場，但過程已經嚇死人。
奧斯卡目前效力上海上港，於中國人氣超勁，亦係球隊必然正選。上港於足協盃16強主場鬥人和，開波7分鐘奧斯卡就出事，當時佢同對手球員陳杰爭頂高空波，奧斯卡同用力衝前跳起嘅陳杰頭撞頭，於半空中明顯已經休克，佢跌落地後頭部再次撞到草地，搞到全身抽搐、四肢僵硬，表面睇傷情好嚴重。但好彩嘅係經治療後恢復意識，但已經無法再比賽。唔少球迷睇到奧斯卡今次恐怖受傷都表示擔心，有粉絲更話：「看到他倒地一刻，以為他會死」。
上港教練佩雷拉表示，奧斯卡傷到個頭情況不妙，起碼要觀察三日，先可斷定病情。而去到今日，奧斯卡於社交網報平安，佢多謝球迷關心和問候，表示現時傷情已有好轉。
東網體育FB同你追實體壇每個精彩時刻！
http://bit.ly/2ecTF2A
Follow東網體育IG一齊撐本地運動員！
http://bit.ly/2EYxoRh
來源 source: http://hk.on.cc
|
鍾意就快D Share啦！
|
|
|