星期三（30日）上水錄得37度高溫，莫非港女真係熱到躁？（設計圖片）
天氣炎熱，人都躁底啲？近日一名港女疑因違泊被抄牌而怒火中燒，破口大罵警察，粗口橫飛！有網友拍下事發經過，形容當時港女充滿「殺氣」，笑稱自己猶如「戰地記者」！
事發於星期三（30日）下午，一名女子疑將私家車停泊在上水龍琛路的影線區，被警察抄牌。片段甫開首，該女子情緒繳動，向兩名警員吼道︰「你咪抄囉！X你老母冇錢畀呀」，其後又稱「好肚痛」要去廁所，着警員快點抄牌。
該女子連珠炮發約半分鐘後，疑因警員失笑，她又再次激動起來︰「你笑乜嘢呀！食屎啦你！X你老母你咩態度呀，差人大X晒呀？」，又質問「你見到就係證據呀」？
拍片者笑稱自己如「戰地記者」，形容女子好似隨時「衝埋嚟打X死人呀」，是「冒住生命危險」拍攝。片段其後被上載至Facebook群組「North District 北區」，發貼者笑言︰「天氣熱係燥底啲㗎喇」。
不少網民對該女子的躁底行為一笑置之︰「唔好怪阿Sir，我都忍唔住笑」、「聲大夾惡扮肚痛」；有人又直斥「畀得起咁又嘈咩呢」，「$320就露出真本性」。
想感受吓「戰地記者」當時經歷嘅場面有幾震撼？即刻睇片！
---------------
《港呢啲》：大事小事騎呢事，東網嚴謹選題，輕鬆製作！
來源 source: http://hk.on.cc
|
鍾意就快D Share啦！
|
|
|
