姜大偉爆香港電影圈曾經好差好亂！
童星出身的姜大偉，在電台錄音訪問中透露曾當邵氏武師，因被恩師大導演張徹提拔，憑《報仇》於1970年成為香港首位「亞洲影帝」，當年他在邵氏拍過無數經典武俠片，但後期他當起導演時，卻以溫情片為主，他解釋指：「我覺得自己永遠都唔及師父張徹、劉家良拍得好。點解要破壞張徹導演畀我嘅形象？我唔可以破壞！」
鍾情溫情片
他坦言執導的電影大部分叫好不叫座，86年他起用劉青雲、馬斯晨合演《聽不到的說話》：「因為部戲預算唔係好大，加上我睇電視劇覺得劉青雲唔錯，感覺好另類，所以就搵佢做男主角，馬斯晨都係，雖然部戲唔賣錢，但起碼口碑係好嘅。」
呻電影界變質
90年代初，姜大偉賣掉所有資產，一度舉家移民加拿大溫哥華，除了因女兒依蘭升學及九七問題之外，最大原因是對當時的香港電影圈極度失望，他說：「大家仲記得當時黑社會入侵電影圈，電影界完全變質，大家鬥搶片花、鬥搶演員，攞住啲紅星名就可以賣埠，係好差好亂！我覺得自己已經唔再屬於呢度，就決定走。我係賣晒所有嘢，決定唔會做太空人，點知一去到加拿大，師父張徹搵我去台灣拍劇，佢搵我係唔可以推，所以咪又返嚟。」
來源 source: http://hk.on.cc
|
鍾意就快D Share啦！
|
|
|
