掃呢頁CODE去手機

2018年6月20日 星期三

【一切從簡】正式簽紙成為翟太太 Coffee:遺憾冇請到好多圈中朋友 __,Coffee,林芊妤,

好sweet呀!
【新增圖片】28歲林芊妤(Coffee)喺今年3月尾同拍拖3年多嘅男友翟志榮入紙申請結婚,Coffee本來計劃同男友喺年尾結婚,不過因為尾發現有咗,所 ...


【新增圖片】

28歲林芊妤(Coffee)喺今年3月尾同拍拖3年多嘅男友翟志榮入紙申請結婚,Coffee本來計劃同男友喺年尾結婚,不過因為尾發現有咗,所以將婚期提前,今次雙喜臨門,真係恭喜晒!(新聞連結:https://bit.ly/2K0Yf0V)

陀b5月嘅Coffee仲話婚宴一切從簡,只係同親友食餐飯就算,但係一直都未有透露日子,噚晚Coffee嘅好朋友喺ig嘅stories公佈咗呢件喜訊,Coffee喺酒店同翟志榮註冊,身穿白色露背長裙嘅Coffee,簽完紙之後,即刻好sweet咁嘴嘴,現場傳嚟唔少歡呼聲!

之後Coffee好感性話:「今日現場所有人都係我生命中最重要嘅人,我最好嘅朋友,我嘅屋企人,咁就夠喇,我覺得呢個係對我最好嘅wedding!」Coffee噚日亦都喺fb更新個人狀況,同Weng Chak結婚。

原來Coffee噚晚喺港島香格里拉酒店低調舉行婚宴,筵開三席,只邀請至親好友出席,Coffee今日接受《蘋果》訪問,佢話:「擺咗三圍,其實都係同屋企人、好朋友食餐飯,無請圈中人。」問佢㨂噚日簽紙有冇特別意思?佢就話:「冇乜特別原因,係師傅㨂嘅好日,自己就想一次過簽紙同請屋企人食飯,咁就唔駛煩喇!」

問Coffee噚日有冇做齊出嫁儀式?佢就話一切從簡,「冇接新娘,冇上頭,亦冇伴娘,遺憾冇請到好多圈中朋友,因為今次好難,同埋都好攰,等BB百日宴先一次過請朋友嚟,希望唔好嬲我」

從Coffee好友喺婚宴拍攝嘅短片所見,Coffee除咗同老公攬住,甜到漏情深咀嘴婚宴,亦一度感動落淚。問佢喊咗幾多次?佢就笑住話:「數唔到,不過都係開心眼淚。」至於,平時經常論論盡盡鬧笑出唔少笑話嘅佢,喺婚宴上有咩笑料?Coffee就話:「冇呀,最搞笑咪老公扮唔記得帶戒指囉!」

精選娛聞,喺晒《娛果》

http://fb.com/appledailyent

好sweet呀! Coffee噚晚低調舉行婚宴。(ig 截圖) Coffee噚晚低調舉行婚宴。(ig 截圖)
Coffee話唔知自己喊咗幾多次,不過全部都係開心眼淚。(ig 截圖)

Coffee話唔知自己喊咗幾多次,不過全部都係開心眼淚。(ig 截圖)
Coffee話生命中最重要嘅人已經喺晒度,覺得好滿足。(ig 截圖)

Coffee話生命中最重要嘅人已經喺晒度,覺得好滿足。(ig 截圖)
Coffe話等bb百日宴再請朋友。(ig 截圖)

Coffe話等bb百日宴再請朋友。(ig 截圖)
Coffee話老公好鬼馬!

Coffee話老公好鬼馬!
一班朋友見證Coffee嘅人生大事。

一班朋友見證Coffee嘅人生大事。

鍾意就快D Share啦!