掃呢頁CODE去手機

2018年6月16日 星期六

白滑長腿慰歌迷 軒仔紅館騷降兩度高潮搶Fo __,軒仔,張敬軒,

■軒仔自嘲「火雞」的火紅造型,熱舞後站在舞蹈員身上。
■軒仔自嘲「火雞」的火紅造型,熱舞後站在舞蹈員身上。張敬軒前晚在紅館為一連六場的「HINSIDEOUT演唱會2018」揭開序幕,英皇老闆楊受成、新婚的 ...


張敬軒前晚在紅館為一連六場的「HINSIDEOUT演唱會2018」揭開序幕,英皇老闆楊受成、新婚的鍾欣潼(阿嬌)和老公、容祖兒媽咪、溫碧霞、蔡一傑、鄭欣宜、JW及富二代男友Tarzan等捧場。

軒仔化身「降兩度」唱出《Crazy in Love》、泰文版《失戀》、印度語《Jai ho》、韓語《No Body》,唱完鄭欣宜的《女神》後,現場便奏起《香港小姐》音樂,有人出場替軒仔加冕及披斗篷,軒仔則拿着燒烤叉扮權杖向四面觀眾揮手飛吻,卻不慎踩到斗篷。之後,86歲的胡楓(修哥)和83歲的羅蘭為軒仔擔任嘉賓,修哥哼了幾句《愛是永恆》,羅蘭在台上向修哥說:「我一直喺下面等緊你呀。」修哥搞爛gag:「啋!我同你有排都未去下面啦。」兩位前輩落台後,軒仔換上露背紅衫紅褲,自嘲是「火雞」。



提癌症友人落淚

軒仔前晚不避嫌唱出為密友關智斌作曲的《預言書》,他感性說:「舊年喺我嘅生活中,經歷比工作搵錢更加重要嘅事,經歷過幾次生離死別,好多謝大家支持,選擇睇我嘅演唱會,之前賣飛睇住黑洞表(絕望座位表),我都唔好意思。」軒仔分享曾跟一位末期癌症友人錄歌,對方每次錄歌前都要打嗎啡:「我應承過佢,將同佢合唱嘅歌收錄喺唱片帶上紅館,Toby我哋今晚上紅館。」跟着唱出《預言書》,中段時軒仔一度感觸落淚,甚至跪地獻唱。

首場演唱會邀得容祖兒撐場,祖兒攬着軒仔大叫好姊妹,他反問:「好兄弟唔得嘅?」軒仔更叫觀眾為祖兒預早唱生日歌,又搞笑拎果籃上台,送兩粒荔枝給祖兒,寓意跟荔枝一樣火辣辣,祖兒說:「我𠵱家好好火呀,你叫番降兩度出嚟battle。」軒仔大爆兩人以前花名:「叫番深水埗麥當娜,同旺角Beyonce出嚟!」



■戴假髮兼剃腳毛露腿的軒仔,拿着燒烤叉當權杖大玩港姐加冕。 ■戴假髮兼剃腳毛露腿的軒仔,拿着燒烤叉當權杖大玩港姐加冕。
■軒仔(右)歌衫性感兼又唱又跳,樂迷如癡如醉。

■軒仔(右)歌衫性感兼又唱又跳,樂迷如癡如醉。
■容祖兒前晚為軒仔做嘉賓時,卻在台上收到荔枝。

■容祖兒前晚為軒仔做嘉賓時,卻在台上收到荔枝。

叫祖兒唔好亂講

祖兒笑軒仔騎劫其歌曲《黃色大門》:「騎劫咗我呢首歌,心儀乜乜乜。」軒仔即說:「你今晚你唔好諗到乜就講乜呀!」祖兒獨唱《笑忘書》後與軒仔擁抱,更發現對方臉上有淚水,祖兒說:「畀面你先嚟呢度,我見到『降兩度』就憎,係樂壇浩劫。我幾晚瞓唔到都因為佢,佢好大威脅,唔好再喺我面前出現。」

採訪:王連連

攝影:葉君海



■軒仔穿上既似枯葉、又似梅艷芳的《新秀》歌衫唱出《預言書》。

■軒仔穿上既似枯葉、又似梅艷芳的《新秀》歌衫唱出《預言書》。
■軒仔(左)分享了與末期癌症朋友一同錄音經歷,之後獻歌時不禁落淚。

■軒仔(左)分享了與末期癌症朋友一同錄音經歷,之後獻歌時不禁落淚。
■胡楓及羅蘭前晚擔任表演嘉賓。

■胡楓及羅蘭前晚擔任表演嘉賓。

鍾意就快D Share啦!