掃呢頁CODE去手機

2018年7月25日 星期三

【大仔已經23歲】老婆係回族第一美女 58歲李子雄再做老竇 __,李子雄,

58歲李子雄再做老竇(網上圖片)
【新增回應】憑拍周潤發電影《英雄本色》為人熟悉嘅李子雄,現年58歲嘅佢依然有心有力,日前被曾志偉踢爆再做老竇,39歲嫩妻王雅琦為佢誕下兒子,兩人結婚7 ...


【新增回應】

憑拍周潤發電影《英雄本色》為人熟悉嘅李子雄,現年58歲嘅佢依然有心有力,日前被曾志偉踢爆再做老竇,39歲嫩妻王雅琦為佢誕下兒子,兩人結婚7年終於有愛情結晶品,恭喜恭喜。

事緣早前ViuTV請咗志偉、李子雄等做世界盃決賽錄影節目,當志偉講到興奮忘我時,突然一手將子雄拉到鏡頭前,失驚無神爆料話:「恭喜子雄啱啱生咗個BB,個幾月大。」在場人士紛紛恭喜子雄,被殺過措手不及嘅子雄,惟有講多謝,默認生B。

李子雄有兩段婚姻,首任妻子係歌手方曉虹,兩人育有23歲兒子;2010年子雄被爆排期再婚,娶有「回族第一美女」之稱嘅大陸藝人王雅琦,曾跟《還珠格格》扮演「皇阿瑪」嘅張鐵林傳緋聞。

《蘋果》聯絡李子雄恭喜,佢以短訊回覆:「多謝關心!仔仔很健康,寶寶已落戶北京,感受開心囉,要繼續努力賺奶粉錢。」問到兒子名字?子雄表示:「Kyle,小名糖豆,現在10磅了。樣子太醜了,不好意思公開。」

精選娛聞,喺晒《娛果》

http://fb.com/appledailyent

年過半百依然有心有力(網上圖片) 年過半百依然有心有力(網上圖片)
李子雄嘅第二任老婆王雅琦有回族第一美女之稱(網上圖片)

李子雄嘅第二任老婆王雅琦有回族第一美女之稱(網上圖片)
志偉早前做節目爆李子雄添丁(網上圖片)

志偉早前做節目爆李子雄添丁(網上圖片)

鍾意就快D Share啦!