梁漢文拍片向大家報平安。
梁漢文（Edmond）剛拍攝短片向大家報平安，戴上口罩的他，額頭貼上長長膠布，睇嚟傷口頗長，精神尚可的他說：「Hello大家好，尋日喺各大平台寫咗成個世界盃都冇出去睇過波，尋晚心血來潮打畀個朋友，問佢喺邊度，佢話喺卡啦OK，正喎，緣分到咪一齊睇場波，睇咗半場之後，突然間有個朋友話：『喂，唱隻歌嚟聽吓得唔得呀？』我話唱乜呀？佢話想聽《一世一次戀愛》，我話好呀，跟住熄暗咗啲燈，我咪唱囉，就因為熄暗咗啲燈睇唔到有一級，行前一click就直接撼咗落張枱度，喺正呢個位（佢用手指住傷口），縫咗37針，長度係7cm，深度就見骨，依家要做嘅嘢做晒，依家等緊埋單同去食嘢，因為好肚餓，多謝大家關心，thank you！」
Edmond點解要縫成37針？據知因為醫生想幫佢整得靚仔啲，所以要縫得細密，個傷口同疤痕就愈平復。他已出院回家休息，笑言自己「鬼打咁精神」，繼續頂頭槌都得，已照過晒腦掃描乜事都冇，13號會如期出發到俄羅斯睇世界盃。
來源 source: http://hk.on.cc
|
鍾意就快D Share啦！
|
|
|