2018年7月26日 星期四

【加國擺酒】婚禮交晒俾陳凱琳話事 鄭嘉穎媽媽終於等到個仔結婚 __,嘉穎,陳凱琳,凱琳,鄭嘉穎,

(資料圖片)
自從鄭嘉穎同拍拖3年嘅陳凱琳(Grace)爆出雙喜臨門,下個月12號會喺峇里舉行婚禮後,外界都好高度關注呢件事,佢哋回覆傳媒嘅時候,只係話:「有消息再 ...


自從鄭嘉穎同拍拖3年嘅陳凱琳(Grace)爆出雙喜臨門,下個月12號會喺峇里舉行婚禮後,外界都好高度關注呢件事,佢哋回覆傳媒嘅時候,只係話:「有消息再通知大家!」(新聞連結:https://bit.ly/2LD5q0G)

嘉穎身邊嘅好友好似馬國明、唐詩詠異口同聲話等通知,樂易玲噚晚出席活動,就話Grace已經同公司請咗假,初初以為係同嘉穎慶祝生日,不過o依家睇嚟唔知係結婚定慶祝生日!佢仲話近排都有見過Grace,但係唔覺佢有BB!(新聞連結:https://bit.ly/2JXrNfp)

今日周刊報道,嘉穎一直心急想結婚,但係始終Grace年紀仲細,而且事業又係啱啱起步,所以將婚事一拖再拖,直到最近終於下定決心同女友求婚,本來佢哋打算低調婚事,只係通知啲親朋好友,點知最後都洩露咗風聲。報道仲話嘉穎將婚禮全部交俾Grace負責,o依家佢哋睇中咗峇里兩間酒店,一間係吳奇隆同劉詩詩行禮嘅Alila Villas Uluwatu,另一間係劉愷威楊冪結婚嘅Bvlgari Resort。

事有湊巧,Grace先後入住過呢兩個酒店,相信婚禮將會喺其中一間進行,之後仲會留低同嘉穎慶祝生日。報道仲話嘉穎媽媽最開心,終於等到個仔結婚,佢仲同啲親戚朋友講,到時佢哋唔會喺香港行禮,至於擺酒方面,Grace之前講過一定會返加拿大,嗰度除咗係成長嘅地方,仲有好多親人。

精選娛聞,喺晒《娛果》

http://fb.com/appledailyent

Grace今年去過Bvlgari Resort,唔知係咪趁住做嘢,順便視察吓場地呢?(ig截圖) Grace今年去過Bvlgari Resort,唔知係咪趁住做嘢,順便視察吓場地呢?(ig截圖)
舊年Grace同埋屋企人去咗Alila Villas Uluwatu旅行。(fb圖片)

舊年Grace同埋屋企人去咗Alila Villas Uluwatu旅行。(fb圖片)
自從婚事曝光後,大家都好關注佢哋!(資料圖片)

自從婚事曝光後,大家都好關注佢哋!(資料圖片)
話晒係好兄弟,馬國明、唐詩詠同林子善等人都會出席。(資料圖片)

話晒係好兄弟,馬國明、唐詩詠同林子善等人都會出席。(資料圖片)

鍾意就快D Share啦!
Related Posts Plugin for WordPress, Blogger...