恭喜晒！
陳凱琳與鄭嘉穎下個月十二日喺峇里舉行婚禮，佢今日終於喺社交網現身，用英文講番成件事，陳凱琳承認與拍拖三年嘅男友鄭嘉穎拉埋天窗，話去年聖誕男友求婚時自己一口答應，好感恩大家嘅關係升到另一層次。
對於最近有傳佢有咗身孕，佢就好間接咁否認，話除咗結婚消息係真外，其它傳聞都唔係真，佢仲多謝大家祝福咁話！
全文翻譯：
大家好！我相信好多人都等緊……所以我依家喺度，好驕傲同非常興奮咁宣布，係呀，我訂婚Kevin同我拍咗拖超過三年，我從來都肯定佢係真命天子！所以當佢上年聖誕向我求婚，個答案係一個肯定嘅我願意！我哋都覺得好感恩可以起埋一齊，而我哋相信呢個係將關係升華嘅完美時機！最近有好多關於我哋嘅傳聞，而除咗Kevin同我將會結婚之外，其他嘅傳聞都唔係真！我希望大家明白，尊重我哋嘅私隱。另外，我衷心感謝所有花時間祝福我哋嘅好人！最重要係，我想多謝我哋屋企人畀咗我哋無私嘅支持。我哋好愛你哋。
來源 source: http://hk.on.cc
|
鍾意就快D Share啦！
|
|
|
