常霖法師（葉青霖）邀請廖安麗上自己的節目接受訪問。
藝人廖安麗（Annie）同攝影師葉青霖結婚超過20年，老公於2010年突然到台灣出家，法號「釋常霖」。事隔多年，常霖法師在一個佛教網站中擔任主持，邀請了Annie做三集的嘉賓受訪。當中談到一向有修佛的常霖在2008年生日萌起出家之路，Annie表示：「嗰日係你生日，估唔到你會講咁嘅話題。」
面對老公辭親下跪：覺得受唔起
Annie指他出家前貪靚愛打扮，無諗過出家後可以接受剃光頭和穿起出家服，感到佩服。節目中又談到常霖當日在台灣進行「辭親」（向至親的人說再見的儀式）時Annie突然流淚一事，她表示事前不知道有這個環節，故常霖法師向她下跪時令她感到相當愕然，Annie表示：「我冇心理準備，當時覺得好突然，冇諗過自己嘅老公會跪自己，你跪我，我直情覺得我受唔起。」釋霖解釋儀式是「感謝親人成就了這件事」。
葉青霖為愛戒煙
Annie續指，回港後試過搭港鐵時有途人上前握手向她打氣，令她相當感動：「其實當時好開心嘅，我好明白佢哋好關心我。」節目中二人又憶述當日由相識到結婚經過，二人由藝人賈思樂介紹下認識，當時葉青霖一日吸兩包煙，但為咗Annie全戒掉，Annie探受感動：「真係好難，話唔食就唔食！」二人婚後曾移居澳洲，但Annie覺得生活上有障礙，經過多次游說舉家回流返香港，最終99年回港。
來源 source: http://hk.on.cc
|
鍾意就快D Share啦！
|
|
|