曾為已故的羅慧娟拍攝生前最後一輯照片、以攝人像出名的香港知名攝影師葉青霖，與藝人廖安麗（Annie）在1986年結婚，婚後人十分恩愛，誕下兩女後移民澳洲至 1999 年回流香港，不過於2010年，兩人突傳出離異消息（新聞連結： https://bit.ly/2tT4kXA ），因為葉青霖要出行修行。
法號為釋常霖的他，最近與佛教網站（佛門網）合作，拍攝訪談節目《常霖有請》，更邀請前妻做訪談，兩人由認識講到出家，而Annie提到前夫出家後亦忍不住哽咽起來。
常霖法師先講到倆人認識的過程：「我識你都因為影相，我記得係賈思樂介紹咗TVB幾個年輕嘅女藝人畀我影相，當時就影咗你、戚美珍、景黛音同埋陳復生，影完之後其實冇嘢，當時都冇乜特別感覺，後來係因為一班後生仔一齊出去玩，我覺得你係比較特別，因為你好抵得諗，所以你做好多嘢都好主動去為其他人服務。我覺得點解會有人咁肯為人？所以我就變咗好欣賞你。」
「後來因為一次機緣下，我哋所有朋友走咗，淨番我同你，咁啱又係食飯時間，咁就一齊食飯。食飯時大家傾偈，我當然食緊煙，你話你雖然唔贊成人食煙，但我唔會叫你依家唔好食煙，我覺得呢個心態幾得意，你唔會勉強朋友做佢哋唔想做嘅事，當時我覺得呢個人幾特別，於是我返去就諗，不如我試吓為佢戒煙！」
當時的葉青霖，一日抽兩包煙，苦無決心戒掉。可是萌生了「試吓為佢戒煙」之念後，又真係說到做到，Annie也說：「結果你第二朝起身就冇食、話戒就戒！」自是被打動：「真係好難，話唔食就唔食，我當時真係好感動！」
之後兩人談到夫妻生活，雖然當時全家已移民澳洲，看似樂也融融，但Annie原來覺得開不了心：「當時以為喺澳洲住滿兩年可入籍，點諗到法師你原來咁鍾意嗰度嘅環境，直情係唔願走，對小朋友當然係好好成長環境，但我始終香港土生土長，無論語言、文化，我都覺得生活上有障礙。經過好多次努力想說服你不如舉家回流返香港，但你都唔贊成，所以當時真係唔開心。」後來葉青霖想通了，99年舉家回流。
回流後，葉青霖繼續攝影工作，但他已決定要修行——全職修行。提到自己最後一個商業工作，是為香港某富商的兒子影家庭照。
富商之子得知葉青霖在事業如日方中之際，竟毅然決定全職修行，不禁奇道：「你又唔係做得唔好，點解你會咁諗？」葉青霖謂：「我當時就反問佢，其實有錢未必一定開心，你話係唔係？佢當堂諗咗一陣答『其實都係嘅』。
「我想帶出，其實喺現實生活裡面，有好多問題同煩惱，唔識處理的話，就算有錢都唔會話好開心。我好幸運接觸到佛法，喺佛法裡我搵到條路係可以解決呢啲問題，只是覺得當時part time去學就好似差啲嘢，就覺得會唔會full time會好啲呢？」
精選娛聞，喺晒《娛果》
http://fb.com/appledailyent
|
鍾意就快D Share啦！
|
|
|