2018年7月31日 星期二

周迅:傳辦離婚手續!周迅高聖遠四年婚姻玩完? __,高聖遠,周迅,

文化差異真係好難跨過。現年43歲內地藝人周迅於2014年與48歲美籍華裔演員高聖遠結婚,婚後因工作關係經常分隔異地,不時傳出佢哋婚變嘅消息,雖然二人多 ...


文化差異真係好難跨過。


現年43歲內地藝人周迅於2014年與48歲美籍華裔演員高聖遠結婚,婚後因工作關係經常分隔異地,不時傳出佢哋婚變嘅消息,雖然二人多次否認,但傳聞從未停過。近日有指佢哋已經辦緊離婚手續,只差最後簽字作實一步!

由客觀資料分析,周迅喺內地長大,高聖遠喺美國生活,二人由語言到生活習慣及文化差異都非常巨大,當日周迅露口風有意結婚時,身邊朋友已經提醒佢呢段婚姻會好難維持!有指婚後問題陸續浮現,佢哋盡過力去挽救,高聖遠更有一半時間居於台灣「住近」周迅,不過努力最終都係徒然。

約兩年前男方希望大家分開思考吓係咪可以再一齊走落去,當時各自展開「新生活」,高聖遠不時夜蒲不愁寂寞,而周迅喺呢段時間多咗位知心友,佢就係王菲女兒竇靖童,只要童童一有時間,都會去陪實周迅,就算過年,都會孖住返周迅老家探親!經歷咗兩年嘅分居期,雙方都發現就算冇咗對方生活都好正常,所以佢哋終於下定決心做埋最後一步手續,就係搵個時間一齊返去杭州,即當日登記結婚嘅地方簽字離婚。

----------------------------

東網巨星開咗ig喇,大家快啲follow

https://bit.ly/2JjSVcr


來源 source: http://hk.on.cc
鍾意就快D Share啦!
Related Posts Plugin for WordPress, Blogger...