2018年7月22日 星期日

【出櫃】雲雲、喜喜just married 嘲「散打王」崔建邦打女人 __,崔建邦,

陳志雲仲擺埋「舊愛」崔建邦上台,話佢會打女人。(攝影﹕賓尼)
陳志雲噚晚喺理大舉行《志雲尋志雲》登陸舞台演嘢會,一直風雨同路嘅王喜全晚無間斷出場同志雲一齊chitchat。其中一part,志雲同王喜仲「出櫃」,現 ...


陳志雲噚晚喺理大舉行《志雲尋志雲》登陸舞台演嘢會,一直風雨同路嘅王喜全晚無間斷出場同志雲一齊chit chat。

其中一part,志雲同王喜仲「出櫃」,現場播咗條片,佢哋著住禮服交換戒指,仲手拖手、頭貼頭,字幕打上「just married」,真係sweet到爆!一對新人出場即引來全場尖叫,佢哋互叫對方做「雲雲」同「喜喜」,扮情侶嗌交,講到啲ex仲好有火花,王喜話﹕「你又唔係女人,如果我要揀女人,我都揀宣萱」志雲﹕「哦,原來你同宣萱真係一齊過嘅,佢又酸又圈,有乜好?」

之後志雲又發脾氣,怪責王喜催佢,志雲話﹕「催催催,崔建邦呀!你以為我真係鐘意佢?佢份人頭尖額窄,冇嚟貴格,佢仲打女人添㗎。」觀眾即起哄拍手,王喜話﹕「你傳聞就假,我傳聞就真。你咁唱佢,小心佢散打你。」志雲話﹕「佢唔會散打我,因為我唔係女人。」

兩人不停打情罵俏,志雲仲問王喜﹕「你係咪唔愛我吖?」其間暗寸港鐵非執行主席馬時亨同票價可加可減制度,志雲笑言﹕「你唔好學人,錫十次送一次,咁小恩小惠呀!」

精選娛聞,喺晒《娛果》 http://fb.com/appledailyent

陳志雲仲擺埋「舊愛」崔建邦上台,話佢會打女人。(攝影﹕賓尼) 志雲話唔要王喜「錫十次送一次,咁小恩小惠」,全場爆笑。 志雲話唔要王喜「錫十次送一次,咁小恩小惠」,全場爆笑。
雲雲同喜喜一齊手拖手準備行禮。

雲雲同喜喜一齊手拖手準備行禮。
仲有交換戒指

仲有交換戒指
乜原來王喜同宣萱傳過緋聞咩?相信冇乜人記得......(資料圖片)

乜原來王喜同宣萱傳過緋聞咩?相信冇乜人記得......(資料圖片)

鍾意就快D Share啦!