熱爆娛樂: 「二奶命」難上一線　陳智燊離無綫做YouTuber搵奶粉錢 _

2018年7月22日星期日

「二奶命」難上一線　陳智燊離無綫做YouTuber搵奶粉錢 __,無綫,陳智燊,

繼鍾嘉欣、岑麗香後，效忠無綫十二年的陳智燊，前晚在社交網公開宣佈離巢無綫，飲水思源的他，多謝無綫的三位女伯樂。陳智燊06年入無綫，由主持做到男一，可惜生成「二奶命」，始終未能上到一線。近年他與現懷孕七個多月的老婆宋熙年做YouTuber人氣急升，加上有工作斟洽中，他決意離巢發展搵奶粉錢。

將為人父的陳智燊（Jason），前晚毅然在社交平台宣佈離開無綫，並留言多謝三位女伯樂︰「加入TVB之後得到好人嘅愛戴，樂小姐不斷帶當時嘅我出席活動，不停搵機會畀呢個新人；Sandy（余詠珊）亦都畀咗我好多做主持嘅機會；多謝珍姐（曾勵珍）令我實現到我演戲夢想。」Jason亦另外貼出與太太宋熙年（Sarah）的照片，並以英文留言多謝太太：「與你組織家庭是我生命中最珍貴的事，多謝你啟發我的自信與動力，你給我力量去追我的夢想。」

其實Jason自06年入無綫訓練班後，至12年拍《幸福摩天輪》終於擔正，惜之後又被打回原形，變回男二，未能上位。現他與Sarah的YouTube頻道S&J，內容包括飲食、旅遊、汽車、化妝及首飾等，甚多元化，訂閱人數更已有九萬多人。

■陳智燊感謝太太宋熙年，希望可以令太太及囝囝為他感到驕傲。攝影：Karl Lam



■陳智燊與宋熙年在YouTube搞channel，訂閱人數更逾九萬。互聯網圖片

離開舒適圈

Jason昨日在書展出席「名人講故事」，為小朋友講故事。活動結束後，Jason接受傳媒訪問，他強調離巢只是想事業發展多元化，開拓海外市場︰「我唔想外界太多揣測，所以主動喺社交平台交代。其實三位（樂易玲、余詠珊及曾勵珍）都有留我，但我真係想試吓新嘢，𠵱家仲有好多市場，好似內地、馬來西亞同新加坡可以開拓，亦有人搵我傾緊工作，但未有定案。去到呢個階段，我要鼓起勇氣脫離舒適範圍，結咗婚後又有咗小朋友，喺事業上要更加畀心機，其實唔係有生活壓力，只係更加有動力箒！」

問到將會否兼顧拍劇、做節目和做YouTuber？Jason說︰「其實冇乜所謂嘅，互聯網唔需要咁分，就算荷李活嘅Will Smith（韋史密夫）都自己拍片，我平時同Sarah遇到啱嘅題材都會拍。呢個決定真係唔容易，正如自己當年喺英國返香港，都諗咗好耐。」