掃呢頁CODE去手機

2018年8月4日 星期六

【空心老倌突然失蹤】6歲女兒早知「冇爸爸」 楊思琦:佢知我哋冇呢個角色 __,思琦,楊思琦,

(資料圖片)
楊思琦01年選完港姐,即加入娛樂圈,同過李泳豪拍拖9年,直到11年佢突然宣佈分手,激到李泳豪父母李家鼎同施明紮紮跳。之後思琦同吳帥發現咗段短暫嘅感情, ...


楊思琦01年選完港姐,即加入娛樂圈,同過李泳豪拍拖9年,直到11年佢突然宣佈分手,激到李泳豪父母李家鼎同施明紮紮跳。之後思琦同吳帥發現咗段短暫嘅感情,12年仲突然暫停工作,遠赴美國,未婚誕下女兒楊卓穎(Krystal)。

成為咗單親媽媽,楊思琦呢幾年一直努力賺錢,Krystal都看在眼內,日前楊思琦接受商台節目《1圈圈 星光背後》梁泰來訪問,被問到Krystal有冇打探過爸爸嘅資訊,思琦就坦言女兒一早知道「冇爸爸」呢回事,仲一早已經同女兒解釋過好次:「佢思想好成熟,會明白嘅。」

學生讀書時,總有個課題叫做「我的家庭/媽媽/爸爸」之類,楊思琦就話女兒懂事:「自幼稚園開始,佢被問及家庭有乜成員,要畫出嚟、說出嚟,佢都知道我哋係冇爸爸呢個角色的。所以我哋屋企人就盡量俾多啲愛佢,關心多啲。若將來佢想知道生父係邊個,我都會講,呢個係好正常嘅事。」

楊思琦亦有透露,誕女後一直都有追求者,單親媽媽呢個身份冇成為佢感情發展嘅阻力,其中仲有啲追求者有經濟條件供養佢兩母女,不過思琦就覺得,如果可以,都係自己搵錢去養大女兒更有意義。



精選娛聞,喺晒《娛果》

http://fb.com/appledailyent

楊思琦讚女兒懂事,一早明白自己家庭係冇爸爸呢個角色。(資料圖片) 楊思琦讚女兒懂事,一早明白自己家庭係冇爸爸呢個角色。(資料圖片)
思琦都好坦白,如果女兒長大後想知生父係邊個,一定會講。(資料圖片)

思琦都好坦白,如果女兒長大後想知生父係邊個,一定會講。(資料圖片)
楊思琦接受《1圈圈》訪問。

楊思琦接受《1圈圈》訪問。

鍾意就快D Share啦!