譚詠麟（阿倫）、許冠傑(Sam）昨晚於紅館舉行演唱會，與阿倫同屬環球唱片公司的歌手盧凱彤（Ellen），昨日不幸墮樓身亡，平時愛話嘻嘻哈哈的阿倫，提到這件事也收起笑容，他認真的說：「我都係開騷前至聽到，本來都想有啲合作。其實呢啲病唔知幾時會發作，諗唔開就會咁，家人同朋友要多啲關心問候，呢啲病真係冇辦法，好可惜，咁後生。」
雖然同門，然而阿倫稱只與Ellen於活動中見過，亦不認識對方。阿倫指，最近聽同事提到Ellen會與4個音樂人合作，他坦言如有合適的作品亦想使用，阿倫慨嘆：「估唔到講完無耐就發生呢件事，要珍惜所有人，」而隔鄰的阿Sam聽到亦大表痛心。
另外，他們昨晚的演唱會至11:47分才完騷，阿倫表示也要罰少少錢。今次演唱會的重點，便是阿Sam沒有穿着豹紋衫，Sam解釋：「要試新嘢，希望畀新鮮感大家。」
講到曾志偉傳與無綫不和，阿倫笑話：「佢o依家有個好大嘅project，今晚叫咗佢都冇嚟，我知道佢另起爐灶，最近識咗個嚟自印度嘅油王，佢仲想走出國際，嚟緊會搞一個國際泥漿摔角騷，侵侵同金仔都會參加泥漿摔角。」問到可會做和事佬？阿倫說：「邊有嘢，係咪港姐想搞下氣氛?」
| 譚詠麟、許冠傑對盧凱彤離世感傷痛(攝影：仇志德) | | |
| | |
來源 source: http://hk.entertainment.appledaily.com
|
鍾意就快D Share啦！
|
|
|
