掃呢頁CODE去手機

2018年8月6日 星期一

英超Fever:【我着十號】福仔轉冧把 曼聯靠晒你! __,曼聯,

(互聯網)隆重介紹番,曼聯新10號仔,拉舒福特!曼聯於最後一場季前熱身賽對拜仁慕尼黑終於比較齊人,其中英格蘭世盃腳拉舒福特,歸隊後即任正選,仲着上10 ...


(互聯網)


隆重介紹番,曼聯新10號仔,拉舒福特!曼聯於最後一場季前熱身賽對拜仁慕尼黑終於比較齊人,其中英格蘭世盃腳拉舒福特,歸隊後即任正選,仲着上10號波衫登場。於伊巴謙莫域離隊之後,極具代表性嘅10號波衫一直懸空冇人着,到今季終於由福仔奪得,意味住呢名20歲小將於隊中已經升呢,成為紅魔鬼絕對主力。

福仔於對拜仁一仗,着上新冧把正選落場,出任左翼位置,但由於紅魔鬼始終未齊腳,而且佢狀態未足,於場上並冇太大作用,不過佢個新號碼始終惹人注目。福仔於15年得到時任領隊尹戈爾提拔升上一隊,於歐霸盃處子登場就入2球,之後首次於英超上陣對阿仙奴,又試梅開二度。之後C朗曾公開表示,喺佢同美斯時代過去之後,拉舒福特就係其中一個,有力繼承佢哋球王位置嘅後生仔。上季英超對利物浦,福仔亦省2粒帶領紅軍擊敗死敵,之後順利入選三獅兵團世界盃大軍。

由當初嘅39號球衣,到莫連奴時代嘅19號,再到新季嘅10號波衫,福仔於曼聯陣中嘅重要性愈來愈高,佢本人對於轉號碼亦非常開心,於社交網鋪出自己十號仔嘅相:「之前好多曼聯傳奇都着過呢個號碼,我真係覺得好榮幸」。

睇埋深度分析:【福仔夠料着十號?只係蜀中無大將!】

https://bit.ly/2KvvQzZ 

東網體育FB同你追實體壇每個精彩時刻!

http://bit.ly/2ecTF2A 


來源 source: http://hk.on.cc
鍾意就快D Share啦!