掃呢頁CODE去手機

2018年9月15日 星期六

袁詠儀:拍戲鬧不和 靚靚楊張新悅21年後世紀破冰 __,張新悅,靚靚,袁詠儀,

袁詠儀(左)同楊張新悅1997年拍戲時曾因推撞事件鬧不和,相隔多年終於和解!藝人袁詠儀(靚靚)與楊張新悅於1997年拍攝電影《戇星先生》嘅時候,曾經因 ...


袁詠儀(左)同楊張新悅1997年拍戲時曾因推撞事件鬧不和,相隔多年終於和解!


藝人袁詠儀(靚靚)與楊張新悅於1997年拍攝電影《戇星先生》嘅時候,曾經因為推撞事件而鬧不和,當年靚靚更公開指摘當時拍戲嘅新人包括楊張新悅不專業,而楊張新悅早年做訪問都話同靚靚有「牙齒印」,雙方關係認真麻麻!

不過,相隔21年,兩人亦做咗媽咪,當然會成熟唔少,而今日名媛薛芷倫就喺Instagram上載咗佢同袁詠儀、楊張新悅嘅合照,仲以「世紀合照」、「世紀大和解」來形容佢哋終於破冰!

事後,薛芷倫接受東網訪問時指佢哋昨晚出席護膚品晚宴,席上兩人有傾有講,全冇芥蒂,話題都係一啲扮靚、小朋友嘅嘢,完全睇唔出曾不和,薛芷倫表示:「我都係事後先知佢哋之前有啲誤會,尋晚佢哋有傾偈之餘,仲有自拍,兩個都好好,始終大家都成熟咗,做番朋友都係開心事。」


來源 source: http://hk.on.cc
鍾意就快D Share啦!