2018年9月30日 星期日

【堅唔堅?】內地限制綜藝節目片酬 王菲起碼賺少9000萬人仔 __,王菲,

內地繼早前限制藝人以天價接拍電視劇後,近日有傳又再出招,燒埋綜藝節目嗰疊。事關據內媒報導:「每期(集)節目,藝人總片酬不能超過80萬(人仔,下同),常 ...




內地繼早前限制藝人以天價接拍電視劇後,近日有傳又再出招,燒埋綜藝節目嗰疊。事關據內媒報導:「每期(集)節目,藝人總片酬不能超過80萬(人仔,下同),常駐嘉賓一季節目的片酬不得超過1000萬。」換言之,喺《中國好聲音》收過千萬片酬嘅周杰倫、謝霆鋒,隨時搵少百幾、甚至幾百萬。《幻樂之城》嘅王菲仲誇張,盛傳收過億片酬,而家分分鐘賺少9000萬。

其實限得電視劇,綜藝節目又點走得甩吖,唔通真係輕輕鬆鬆俾你上節目玩下遊戲就袋幾千萬咩,好似林青霞玩咗12集《偶像來了》,total 2880萬;黃渤拍一季《極限挑戰》收4800萬;劉燁錄製《爸爸去哪兒》更係用每日450萬嚟計。所以,限制綜藝節目片酬刻不容緩,據知更早喺兩個月前已經下發消息,電視台、製作單位都收到order,而最近播緊嘅綜藝節目或多或少都喺新限制管轄之內,相信陳小春、應采兒夫婦都應該收少咗一筆。

不過,有業內人士透露「上有政策,下有對策」,唔排除製作單位會用其他方法,補返片酬差額俾藝人。

立即下載Apps,隨時隨地睇盡時政專題、深度偵查、娛樂熱話!按此連結:http://bit.ly/next28app

鍾意就快D Share啦!
Related Posts Plugin for WordPress, Blogger...