掃呢頁CODE去手機

2018年9月30日 星期日

【胡鴻鈞忍唔住做龍友】林文龍索「秘書」蔚雨芯 余思霆沙灘身材互片 __,余思霆,林文龍,胡鴻鈞,蔚雨芯,

早前在石澳沙灘發現大台捧緊做男一嘅胡鴻鈞變咗龍友,佢摌住相機喪影班女,呢班同陽光玩遊戲嘅女仔,唔係普通人家,而係個個有來頭。其中包括有周志文女友劉佩玥 ...




早前在石澳沙灘發現大台捧緊做男一嘅胡鴻鈞變咗龍友,佢摌住相機喪影班女, 呢班同陽光玩遊戲嘅女仔,唔係普通人家,而係個個有來頭。其中包括有周志文女友劉佩玥、《兄弟大茶飯》嘅索助手華姐余思霆、仲有近排喺《再創世紀》做林文龍秘書Kelly,好有身材嘅蔚雨芯,對住成班有身材嘅女仔,胡鴻鈞梗係要揸機影下相

講到好身材,林文龍嘅「秘書」蔚雨芯,俾網友讚佢戲演得唔錯之外,亦係出名嘅有料之人,所以呢日就算有件吊帶牛仔褲遮一遮,都感受到佢副魔鬼身材嘅澎湃,搶眼度蓋過班女。

至於另一個派晒福利嘅,就係兄弟大茶飯嘅霆霆。三點式上陣,嗒得杯落架,仲攪到知名度高佢一班嘅劉佩玥都要借歪。不過面對咁多佳麗,胡鴻鈞全程都只係黐住《東張西望》靚女主持朱智賢玩。

其實呢班人腳,係拍緊新劇《救妻同學會》,胡鴻鈞、劉佩玥同朱智賢就係當中嘅男女主角,呢套劇動用嘅索女,更超越十幾年前嘅青春劇《四葉草》賣睇頭,所以有傳拍完會搶先十一月出閘。

可惜呢日有幾個好波之人,收埋啲福利,好嘥料囉!好似《三日兩夜》常客劉溫馨、出過寫真嘅劉佩玥咁,同身材高挑嘅朱智賢,拍沙灘戲收埋副body,好失望呀!

立即下載Apps,隨時隨地睇盡時政專題、深度偵查、娛樂熱話!按此連結:http://bit.ly/next28app

鍾意就快D Share啦!