薛家燕喺84年同生意人石保慶結婚，婚後生咗三子女就淡出娛樂圈，專心相夫教子，惜於95年離婚，家燕姐復出工作，接job接到手軟。今年係家燕姐入行60年，連日嚟佢亦忙於宣傳同籌備喺12月舉行嘅演唱會。
一直專心工作嘅家燕姐，鮮有戀情傳出，只係喺04年承認同電腦工程師Andy Chan發展一段姊弟戀，可惜呢段戀情維持咗一年就無疾而終。
日前家燕姐接受《蘋果》訪問，嗰陣問佢有冇恨搵番個伴侶，佢話：「我都唔夠時間做嘢，有時夜晚餐飯都凌晨兩點幾先食，要搵個伴，唔通兩點幾食完，三點幾先見佢，個個都走人。每日開心，有好多朋友就夠」(新聞連結： https://bit.ly/2xKwTbP )
不過今日有周刊報道話，原來家燕姐有一個拍咗拖12年嘅男友，因為家燕姐好珍惜呢段感情，所以保密功夫一直做得好好，報道仲話對方比家燕姐年輕10幾年，係一個去咗上海從商嘅香港人。家燕姐話大家冇年齡隔膜，好傾得埋，完成演唱會之後，家燕姐會減少工作，抽多啲時間陪男友。
報道仲話對方曾經兩度求婚，但家燕姐就冇表態，一來因為年紀相距、二來上一段婚姻仍然有陰影，搞到家燕姐曾一段放棄呢段感情，大家做番好朋友，不過對方俾佢嘅關心同愛護，所以即使見面時間唔多，但係都享受到被愛嘅感覺。
至於家燕姐大女石祐珊就表示支持媽咪戀情：「他們會繼續低調處理感情。希望大家可以俾啲空間佢哋。謝謝各位關心。」
精選娛聞，喺晒《娛果》
http://fb.com/appledailyent
| (資料圖片) | |
|
鍾意就快D Share啦！
|
|
|
