掃呢頁CODE去手機

2018年9月2日 星期日

陳曉華:證工藤佑采講事實!陳曉華爆港姐比賽真相 __,工藤佑采,港姐,陳曉華,

陳曉華(中)指工藤佑采(左)所講「比賽前最後一星期要練四隻舞」係事實!出爐港姐又出動!自選出之後,冠軍陳曉華、亞軍鄧卓殷及季軍丁子田日日都出席活動,今 ...


陳曉華(中)指工藤佑采(左)所講「比賽前最後一星期要練四隻舞」係事實!


出爐港姐又出動!自選出之後,冠軍陳曉華、亞軍鄧卓殷及季軍丁子田日日都出席活動,今晚三人就現身晚宴,不過陳曉華笑話參選期間比現在更忙。

講到其中一位落選佳麗工藤佑采於Instagram大爆比賽前最後一星期需要練四隻舞,對此陳曉華指是事實:「對我嚟講都係好深刻嘅經歷,因為我同佢一樣都冇舞蹈底子,本身都覺得好難,但都好努力去學,最後成功達成目標都好開心,覺得都有好大進步。」問到會否覺得好辛苦,丁子田表示唔覺,因為參選都是想挑戰自己,而鄧卓殷就話20位佳麗學舞期間都有互相幫手,又會分組練習。

落選表演學到嘢

再講到工藤佑采指於倉促時間內學舞,就猶如「唔畀生路行」,問到3位應屆港姐是否同意?陳曉華就話:「聽嘅時候好恐怖,但做就落又唔係真係咁難,有好多人都圍住我教我跳。」覺得對方落選後都有咁多「批判」,是否覺得她輸咗唔憤氣?丁子田指不知情,一直只顧及自己表現:「即使依家有嗰WhatsApp Group都冇時間去睇、去傾。(覺得佢參與好Hea?)咁又唔覺,佢好認真。(佢話再上台表演前係啱啱先喊完,覺得呢個安排唔係咁好?)我哋都唔知自己會唔會,都有好努力練習,呢個係畀即使落選,都可以表現到學到嘅嘢,都係一個好好嘅Idea。」

工藤佑采好活躍

再追問上次全體佳麗約食雞煲,而工藤佑采冇出席,是否玩自閉?鄧卓殷就替她澄清否認:「佢嗰日約咗人先唔嚟,佢喺Group入面都好Active咁講嘢。(有冇聽過佢係改名去參選?)我哋都係喺報紙睇到先知。」


來源 source: http://hk.on.cc
鍾意就快D Share啦!