掃呢頁CODE去手機

2018年9月29日 星期六

英超Fever:【寸王炒得】曼聯軍心散渙 慘負韋斯咸 __,曼聯,

(GettyImages)英超周六早場曼聯作客韋斯咸,「紅魔鬼」過去一周鬧出不少風波,傳出更衣室分裂,在此情況下今仗連運到輸埋,早段落後兩球下,最終無 ...


(Getty Images)


英超周六早場曼聯作客韋斯咸,「紅魔鬼」過去一周鬧出不少風波,傳出更衣室分裂,在此情況下今仗連運到輸埋,早段落後兩球下,最終無法反平敗局慘敗1比3,英超第7輪已吃下第3場敗仗,主帥莫連奴帥位危在旦夕。

曼聯主帥莫連奴與王牌保羅普巴不和傳聞,愈鬧愈大,雖然賽前「寸王」係咁讚普巴訓練表現一流,今場亦獲得擔正,但就褫奪佢隊長一職,喺正隊長路爾斯華倫西亞仍在養傷下,今仗改由艾舒利楊格做隊長,明顯仲有心病喇。另一邊廂,韋斯咸上場聯賽悶和車路士0比0,終止對手連勝強勢,射手阿拿奧杜域今場更傷愈復出,藉地利一開波即搶攻,僅6分鐘薩巴列達有越位之嫌下於右路橫傳,菲臘安達臣近門後腳妙射破網,亦係佢今季加盟後嘅開齋士哥。

曼聯失波後都谷唔起,普巴算係落力但冇乜表現,盧卡古曾頭槌攻門中柱彈出,禍不單行係於完半場前,「錘仔幫」中場耶莫蘭高扣番大位起左腳勁射,個波省中紅魔後衞域陀連迪路夫改變方向,收死鋼門迪基亞整多粒。易邊後曼聯都冇乜起色,去到70分鐘,莫連奴忍無可忍,用費特洛迪古斯入替冇料到嘅普巴,被換出時普巴直接行入後備席,冇同「寸王」任何交流,最諷刺係佢出場冇耐,拉舒福特即為紅魔追番粒。可惜韋斯咸射手阿拿奧杜域單刀得手,最終曼聯輸1比3,「寸王」連運都輸埋,隨時烏紗不保。

東網體育FB同你追實體壇每個精彩時刻!

http://bit.ly/2ecTF2A 

Follow東網體育IG一齊撐本地運動員!

http://bit.ly/2EYxoRh 


來源 source: http://hk.on.cc
鍾意就快D Share啦!