掃呢頁CODE去手機

2018年9月20日 星期四

為追SHINee泰民 57歲景黛音復出拍劇 __,景黛音,

景黛音復出拍劇原來是為了追韓星,想與SHINee成員泰民合作,可惜未能成事。
景黛音復出拍劇原來是為了追韓星,想與SHINee成員泰民合作,可惜未能成事。【娛樂人物】景黛音退出娛樂圈32年,最近重出江湖為ViuTV拍新劇《神奇女 ...


【娛樂人物】景黛音退出娛樂圈32年,最近重出江湖為ViuTV拍新劇《神奇女俠的退休生活》。當年她在《上海灘》演許文強太太,於《鹿鼎記》中演玩殘韋小寶的建寧公主,是不少七十後的集體回憶。閱靚仔無數的景黛音今年57歲,近年卻情迷韓國Oppa,今次復出亦是為了與韓國男團SHINee成員泰民拍劇,她更親邀偶像合演母子,可惜慘食檸檬。

撰文:戴彩煥

攝影:林德雄

景黛音日前接受《蘋果》獨家專訪,32年來首次受訪的她談到復出為ViuTV拍劇,她解釋:「一個好大原因,就係金廣誠先生(ViuTV製作部副總裁)搵我。我又冇乜邊個想合作,但我喺呢段時間裏面比較迷韓星,我好鍾意一個樂隊,就係SHINee。」



景黛音先是迷上泰民,然後再成為SHINee另外四子的粉絲。微博圖片 景黛音先是迷上泰民,然後再成為SHINee另外四子的粉絲。微博圖片
景黛音婚後專注家庭,今次復出卻遭17歲女兒(左)反對。資料圖片

景黛音婚後專注家庭,今次復出卻遭17歲女兒(左)反對。資料圖片
在84年版本的《鹿鼎記》中,景黛音飾演玩殘「韋小寶」梁朝偉的建寧公主。劇照

在84年版本的《鹿鼎記》中,景黛音飾演玩殘「韋小寶」梁朝偉的建寧公主。劇照

撞期冇辦法

原來景黛音曾經情迷韓星Rain,有一次Rain主持的節目由SHINee成員泰民做評判,令她開始留意泰民,繼而連SHINee其餘四位成員都愛上,於是當日她向金廣誠大膽建議:「我話我真係冇乜興趣復出,不如咁,除非你搵到泰民做我個仔,我就應承,佢話『好呀』,即刻叫公司搵。」

ViuTV出馬聯絡泰民之餘,景黛音為見偶像亦用盡方法,「終於畀我搵到Rain嘅經理人,直接同佢講我想搵泰民,我哋又搵泰民經理人,喺email再通訊。當時SHINee有位成員唔喺度(鐘鉉去年12月燒炭自殺身亡),但我都充滿信心想去做呢樣嘢,我覺得係我唯一可以見我偶像嘅機會。」她靠繙譯與泰民經理人書信來往四個月,終於等到答覆,「因為佢哋嗰隊嘅二哥(鐘鉉)唔喺度,對佢哋打擊好大,佢哋又要做自己嘅嘢,啱啱我度佢哋9月呢個期,佢哋要喺日本開26場演唱會,撞期都冇辦法。」



拍檔要唔識

不過景黛音答應金廣誠在先,不想反口,她說:「佢哋已經開始喺度做,我就話不如咁樣,你要我做,唯一條件係我要喺劇入面所有嘅人我都唔識,完全未合作過,唔想喺娛樂圈有啲名氣,我想當自己由零開始,唔想大家覺得你復出好巴閉。」而原本屬意泰民的角色,金廣誠找來《全民造星》一班囝囝給她揀選,景黛音最後揀中姜濤,「Interview我有一齊參與,喺我心目中,我比較鍾意啲男仔少啲嘢講,稍為有氣質啲嘅係姜濤。」

景黛音一句說話為姜濤換來難得的機會,其實當年景黛音機會不絕,何解要退出娛圈?她說:「一來懶,想享福,要多謝我老公,佢好nice,畀我充份嘅自由,我個人唔可以勉強自己,我乜嘢都要做我自己鍾意嘅。」近年多女星復出,景黛音沒有心動嗎?她耍手兼擰頭說:「真係冇,一啲都冇,今次純粹係好想同呢個韓星合作,我先至會諗住拍,如果唔係真係冇可能。」



女兒潑冷水

愛恨分明、我行我素、這就是景黛音。今次復出,景黛音身為製作人的丈夫楊健恩沒有過問,反而她的17歲女兒就不贊成。景黛音苦笑道:「佢話你拍電視有人睇咩?𠵱家有人睇電視咩?」事實上,這32年她都沒有追港劇,就連自己當年的作品都沒有興趣收看,甚至連老公搞騷亦從不現身撐場,她自言婚後鮮有跟圈中人聯絡:「我覺得你係我朋友,你一世都係我朋友,唔關乎係咪飲茶食飯見面。喺我心目中,我嗰份感情係喺度,我個人就係咁,唔會因為一餐飯一杯茶,你對我好,我一定好記得,你對我唔好,我亦都會好記得,但我唔會有任何嘅行動。」

雖然景黛音拒絕透露新劇內容,但一看劇名《神奇女俠的退休生活》,令人覺得這正是景黛音的寫照。

場地提供:MAGIC3



【人物誌】事業高峯息影嫁導演

景黛音於無綫第八期藝員訓練班畢業,拍過《上海灘》、《天龍八部》等經典劇,86年主演《陸小鳳之鳳舞九天》後離開娛圈,嫁給當年《歡樂今宵》導演楊健恩。




鍾意就快D Share啦!