熱爆娛樂: 【娶個靚老婆】讚新娘子單文柔杜挺豪︰展鵬揀得一定係好嘢 _

2018年10月13日星期六

【娶個靚老婆】讚新娘子單文柔杜挺豪︰展鵬揀得一定係好嘢 __,陳展鵬,單文柔,

前亞視港男杜挺豪與陳展鵬識於微時，今次展鵬結婚，杜挺豪都專登由加拿大返港出席婚禮。杜挺豪今日接受《蘋果》電話訪問時話自己都被感動，佢話﹕「我諗最感動都係兩個人宣讀誓詞時，話兩個人並唔係1+1，而係0.5等如1，現場都見到有親友感動到流眼淚。」新郎哥有冇喊？佢話︰「眼濕濕啦，但冇嘅，hold到，男人嚟嘛，隔籬啲女士們就有喊。」

問到新娘子單文柔靚唔靚？杜挺豪話﹕「之前都有見過，靚唔靚？我相信展鵬揀得嘅一定係好嘢啦，係咪！」

杜挺豪讚展鵬係好勤力嘅人，大家因為有共同興趣，所以熟絡。佢話︰「同展鵬識咗好耐，一入亞視就識。嗰時有台歌，佢背晒啲台詞，佢問我冇背咩？我話冇呀，因為有大字報，佢真係好勤力。」兩兄弟以前好鍾意一齊打波，佢話︰「以前一齊打網球，之後再打golf，經常喺維景灣畔一齊打波，之後我離開咗亞視，但大家都係好朋友。」

精選娛聞，喺晒《娛果》 http://fb.com/appledailyent

陳展鵬與杜挺豪是相識多年好友，杜特別由加拿大返港出席婚禮。	杜挺豪讚新娘子靚，笑言因為係陳展鵬揀嘅。	 除了杜挺豪，還有梁浩楷都是前亞視藝人。
 小艇上有好多波波，婚禮梗係要加點浪漫。	 陳展鵬同杜挺豪以前經常一齊打golf。	
 恭喜陳展鵬同單文柔結為夫妻，男方跪地送花。