熱爆娛樂: 【狗仔出更】楊婉儀全家齊心抗逆境老公王帥勳甘為妻女做「排隊黨」 _

2018年10月4日星期四

【狗仔出更】楊婉儀全家齊心抗逆境老公王帥勳甘為妻女做「排隊黨」 __,楊婉儀,

95年港姐冠軍楊婉儀與丈夫王帥勳（前練馬師王登平兒子）經營之教育中心及幼稚園Golden Gate，早前被生意拍檔入稟追討欠款，官判楊婉儀夫婦敗訴，需歸還500萬元連利息兼付訟費。

楊婉儀夫婦自2014年起因Golden Gate被連番入稟追數，至今年6月，有財務公司入稟向夫婦倆任董事的公司追債376萬元，揭發楊以后冠及美國物業抵押借貸。敗訴後，楊婉儀發聲明，稱絕對尊重法院判決，亦感謝傳媒關心，並承諾繼續努力，為教育獻出一己棉力。

面對逆境，楊婉儀都冇逃避，一家人仲好齊心，月前一家人齊現身慈善首映。(相關新聞﹕　 https://bit.ly/2MQmwba 　)

日前楊婉儀一家四口在銅鑼灣時代廣場嘅Log-on睇精品，當日下午五時半，起初只見楊婉儀與細仔一齊行街，楊婉儀見到得意公仔即攞起畀細仔睇，但囝囝明顯唔啱心水，轉頭自己去睇文具同圖書。]

隔咗陣，大女去完廁所會合，發現記者影相時都大方望住鏡頭。大女今年已經13歲，長得婷婷玉立，仲高過媽咪，穿上短褲晒長腿，見母女感情不俗，不時會搭住膊頭一齊行。

之後楊婉儀開始打電話，原來老公一直喺隔籬嘅c!ty'super排隊等俾錢，由於排隊人龍都幾長，起碼要排半小時，老公寧願一個人等，俾老婆同仔女喺附近行街，好貼心。一家人會合，畀完錢準備離開之際，遇上85年港姐季軍王愛倫，眾人寒喧幾句，見楊婉儀都笑得好開懷，暫且忘記官司煩事。當佢哋準備搭lift離開時，記者欲上前訪問，但楊婉儀微笑婉拒，之後一家人離開。

精選娛聞，喺晒《娛果》 :

http://fb.com/appledailyent

(攝影﹕朱志聰、黃曉程)	楊婉儀拎起公仔畀細仔睇，但細仔似乎冇乜興趣。	 睇完一陣，就打俾老公。
 13歲大女已經高過媽媽。	 撞到王愛倫，大家寒喧幾句。	 一家四口感情要好，楊婉儀等lift都都摸吓細仔個頭。
 結婚當日，老公戴上港姐后冠及權杖迎娶楊婉儀。(資料圖片)	 一家四口早前穿上校服look出席慈善首映。 (資料圖片)