依家何艷娟係30億闊太，其實佢兩個月大嗰陣，由北京來港。小學同初中都讀聖士提反，之後俾媽咪送去英國讀高中，佢形容自己喺當地重新建立人生。
何艷娟有今時今日，真係要多謝佢個餅印媽咪，何媽媽一直悉心培養個女成才，用咗唔少錢送佢去英國讀書。
但何艷娟覺得媽咪夾硬要佢去英國，去到就好反叛，經常逃學同走堂，成日罰留堂，差唔多每個星期六都罰抄三個鐘校規。
佢一直覺得媽咪好堅強，但係有次媽咪打電話俾佢，隱約聽到媽咪喊，叫佢俾心機讀書。嗰刻佢好心痛，唔想再浪費媽咪嘅心血，於是決心考好成績，最終喺英國高考獲得5A嘅成績。
因為家人想佢讀法律，所以佢入咗港大法律系，曾經希望成為一個大律師。
但最後佢揀咗選港姐呢條捷徑，依家做埋闊太，早前同四太、李雲迪喺歐洲玩，一齊喺酒莊開party。
佢嘅日常生活，主要係吃喝玩樂陪老公，出入馬場、ball場，去拍賣會、鐘表展。
再唔係就周圍飛，去法國度週末兼嘆靚酒；去意大利放暑期，睇靚景，遊古蹟；
近近哋去馬來西亞玩幾日；有時就返北京老家住下，爽呀！
立即下載Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|