掃呢頁CODE去手機

2018年10月23日 星期二

梁雪瑤:C1:亞姐冠軍梁雪瑤住公屋20蚊醫肚 __,亞洲小姐,梁雪瑤,亞姐,

冇錢攻讀建築碩士!出爐「公屋亞姐」梁雪瑤未有因冠軍光環而脫貧,照舊與家人「同一屋簷下」,自強不息的她繼續過貼地生活,享受行平民時裝店、掃街邊小食,更愛 ...


冇錢攻讀建築碩士!


出爐「公屋亞姐」梁雪瑤未有因冠軍光環而脫貧,照舊與家人「同一屋簷下」,自強不息的她繼續過貼地生活,享受行平民時裝店、掃街邊小食,更愛打書釘等免費娛樂,她僅花廿蚊「掃街」醫肚,夠晒慳!

出身基層的應屆亞姐香港賽區冠軍梁雪瑤(Sheryl),未有因為當選而聲價十倍,據知一家六口仍住在300呎公屋。日前穿露肩衫、牛仔熱褲的她挽着手袋於銅鑼灣鬧市閒逛,身高1米73的她頗惹人注目,雖然未被認出亞姐身份,但不少人見到靚女都望多兩眼。她邊行邊篤手機,隨後步入一間大型平民時裝連鎖店,見她主攻秋冬季新貨,當見到一件減價Sharp醒黃Tee,即拿上手走到鏡前左照右照,不過行了半小時,最終都兩手空空走人。

打書釘成粒鐘

之前自爆比賽後放肆大吃大喝的她,行完時裝店即急步到附近的小食店醫肚,雖然大排長龍,但她相當有耐性排隊買雞蛋仔,未知是否太餓,買完即大啖大啖食,並眼仔睩睩望住面前的辣魚蛋及燒賣等小食,但可能下月要到韓國受訓,要開始節制,故惟有忍口唔買。

之後她行到渣甸坊的露天攤檔睇衫,全場款式只需數十元就有交易,她由街頭行到街尾格價,最終理智戰勝購物欲,齋睇冇幫襯,慳番「幾草嘢」。接着又到商場的書店打躉,睇足成粒鐘,無論是有關建築的書籍或小說,她都特別感興趣,直至收到電話後才匆匆放下書本走人。

冇自怨自艾

沒有富爸爸的Sheryl叻女當自強,去年曾獲澳洲墨爾本大學取錄修讀建築系碩士學位,卻因未能負擔學費而放棄,但她未有自怨自艾,一直努力拚搏,曾經講過:「永遠記得要笑着面對人生。」又表示能夠完成選美夢想非常感恩,一直低調的她會加緊增值,希望將來有機會再到外國進修。

更多新聞,請瀏覽東方日報網頁:

http://orientaldaily.on.cc/


來源 source: http://hk.on.cc
鍾意就快D Share啦!